Ауқымды турнирге еліміздің барлық өңірінен 2024–2025 оқу жылындағы қалалық және облыстық деңгейдегі сайыстардың жеңімпаздары жиналды. Жарысқа жалпы орта және қосымша білім беру ұйымдарының 60 командасы, яғни 180-ге жуық оқушы қатысып, өзара білім мен ой-өріс сайысын өрбітті.
Пікірсайыс алаңын ҚР Оқу-ағарту министрлігінің Республикалық қосымша білім беру оқу-әдістемелік орталығы мен Абай облысының білім басқармасы жанындағы «Дарын» орталығы бірлесіп ұйымдастырды.
Пікірсайыс – оқушылардың логикалық ойлау қабілетін дамытып қана қоймай, шешендік пен дәлелді сөйлеу мәдениетін қалыптастыратын бірегей орта. Бұл бағыт Семейдегі Зияткерлік мектепте жылдан жылға қарқынды дамып келеді. Айсұлтан Мұрзағазиннің айтуынша, өткен оқу жылы мектептегі Зияткер дебат клубының жұмысы аясында 60-тан астам оқушы пікірсайысқа белсенді қатысып, өз ойын ашық жеткізу мен пікір алмасу мәдениетін жетілдіруге атсалысқан.
