USD457.7EUR492.81RUB6.49

Қала бойынша түнгі рейдтер: 13 кәмелетке толмаған ұсталды

23 қаңтар 2023, 15:47
Өткен демалыс күндері Семей полицейлері қала тұрғындарының құқықтық тәртібі мен қоғамдық қауіпсіздігін қамтамасыз ету мақсатында облыс орталығының түнгі ойын-сауық орындарында рейдтер өткізді.
Қала бойынша түнгі рейдтер: 13 кәмелетке толмаған ұсталды

Өздеріңіз білетіндей, демалыс күндері түнгі мекемелерде жастар көп жиналады.

Рейд барысында кәмелетке толмағандардың ересектердің еріп жүруінсіз түнде үйден тыс жерде болғаны үшін 13 ата-ана әкімшілік жауапкершілікке тартылды, кәмелетке толмағандарды бейімдеу орталығына 3 қараусыз жасөспірім орналастырылды. Түнгі мекемелердің 4 әкімшісі мен басшыларына қатысты әкімшілік хаттамалар жасалды.

Полиция Қазақстан Республикасының заңнамасы бойынша балалар мен жасөспірімдер мұндай қоғамдық орындарға сағат 22.00-ден кейін ересектердің сүйемелдеуімен ғана бара алатынын еске салады.

Семей қаласы полиция басқармасы бастығының бірінші орынбасары Жандарбек Ахметжановтың айтуынша, мұндай рейдтер жергілікті атқарушы органдармен бірлесіп алдағы уақытта жүйелі негізде жүргізілетін болады.

"Айта кету керек, полиция қызметкерлері мен семейліктер бос уақытын өткізетін мекемелердің әкімшілігі арасында нақты өзара іс-қимыл жолға қойылған. Кафелер мен барлардың қызметкерлеріне, оларда жұмыс істейтін жеке күзет құрылымдары сияқты, төтенше жағдайлар туралы нұсқау берілді, олардың ішіндегі ең бастысы – келушілер арасында жанжал туындаған кезде дереу полиция шақыру. Полиция қызметкерлері тәулік бойы жұмыс істейді және облыс орталығының көшелерінде тыныштық - бұл жұмыстың дұрыс реттелгендігінің көрсеткіші", - деп түйіндеді Ж.Ахметжанов.

 

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

31 қаңтар 2023, 15:41
ТОО «Ертіс өнірі»
Республикаға тарайтын апталық газет
© 2007—2023
Яндекс.Метрика
Әрленім және құрастыру
SemStar