Жақын арада лифттер мен электр сымдарын ауыстыру жоспарда бар. Сапалы өзгерістерді көрген тұрғындар енді ағымдағы шығындар мен күрделі жөндеу жұмыстарына қаражаттарын біртіндеп аударып жатыр.
15-і шағын аудандағы № 18 үйдегі МИБ төрайымы Раиса Баязитова тұрғын үйде бұған дейін мәселе көп болғанын айтады. 1986 жылы салынған 12 қабатты ғимаратқа алдымен ПИК қызмет көрсетсе, кейін ЖШС-нің қарауына өткен.
Абай облыстық энергетика және тұрғын үй-коммуналдық шаруашылық басқармасы басшысының орынбасары Жандос Қайырханов 15-і шағын аудандағы № 18 үйдің мүлік иелері бірлесітігі пәтер иелерінің үйді күтіп ұстауды өз қолдарына алғанына жарқын мысал бола алатынын айтады.
– Барлығы да тұрғындардың өздеріне байланысты екенін айтқым келеді. Бұл үйде тұрғындар бір жылға жетер-жетпес уақыт ішінде бұрын-соңды жасалмаған жұмыстарды аяқтады. Қазір тұрғындардың шешімі хаттамамен рәсімделіп, мердігер ұйым, лифт шығаратын кәсіпорын таңдалып, биыл бюджеттен қаржы бөлініп, екі лифт ауыстырылғалы жатыр,- деді Ж.Қайырханов.
Лифттерді, сондай-ақ үйлердегі инженерлік желілерді ауыстыруды мемлекеттік бағдарламаға қатыса отырып, бөліп төлеу арқылы жүзеге асыруға болады. Бір элеватордың құны шамамен 15 миллион болғандықтан, мұндай соманы бірден табу халық үшін, әрине, қиын. Алайда, Абай облысы жақында ғана құрылды және өтінімді бір жыл бұрын тапсыру қажет болғандықтан, қаржыландыру кешіктірілуі мүмкін.
Соған қарамастан, бұл үйдің алдағы уақытта қандай деңгейде болатыны тек өздеріне байланысты екенін түсінген үй тұрғындары алдағы болашаққа сеніммен қарайды.
