USD476.62EUR485.53RUB7.96

Бәрінен озып шыққан Шыңғыс

14 шілде 2022, 10:48
Семей қаласындағы физика-математика бағытындағы Назарбаев Зияткерлік мектебінің 9-сынып шәкірті Шыңғыс Тоқанов XXIX халықаралық «Туймаада» оқушылар олимпиадасында 1 орынды жеңіп алды.
Бәрінен озып шыққан Шыңғыс

Ресей Федерациясының Якутск қаласында ұйымдастырылған олимпиада математика, физика, химия және информатика пәндері бойынша өтті. Жас ерекшеліктеріне қарай кіші және үлкен лигаға бөлінген олимпиада да Шыңғыс химия пәні бойынша бақ сынады.

- Олимпиадаға Шыңғыс тыңғылықты дайындалды. Түрлі есептерді шығарып, теориялық білімін толықтырды. Ресей, Сингапур, Индонезия, Румыния сынды көптеген алпауыт елдердің өрендерімен білім жарыстырған шәкіртіміз алғашқы кезеңде күрделі теориялық есептерді шығарса, келесі практикалық кезеңде алдын-ала жасалған эксперименттер бойынша қорытынды  жасады. Нәтижесінде өзгелерден озып шықты, - дейді жеңімпаздың ғылыми жетекшісі, химия пәнінің мұғалімі Асылбек Оразбеков.

Ұйымдастырушылар биылғы олимпиаданы іштей және қашықтан аралас үлгіде өткізуді жөн көрген. Ресейлік жас дарындардан өзге шетелдік оқушыларға қашықтан қатысуға мүмкіндік берілген. Дегенмен бұл олимпиада барысын қадағалауды жеңілдеткен жоқ. Өйткені, әр қатысушы Прокторинг жүйесі бойынша қатаң бақыланды.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar