2022 жылдың 14 қыркүйегінде сағат 13:00-де "102" арнасына кәмелетке толмағандарды бейімдеу орталығының тәрбиешісі жүгінді. Ол 11 және 12 жастағы кәмелетке толмаған екі тәрбиеленуші орталықтан өз еркімен кеткендігін хабарлады.
Кәмелетке толмағандардың орналасқан жерін анықтау мақсатында дабыл бойынша жедел-іздестіру тобы дереу жиналды.
Тәртіп сақшылары кез-келген ақпаратты білетін өтіп бара жатқан адамдармен сұхбаттасып, іргелес аумақтарды: саябақтарды, жастар жиналатын орындарды, кафелерді, тұрғын үйлердің кіреберістерін мұқият зерттеді.
"Ертіс ПБ ЖҚБ инспекторы полиция лейтенанты Нұргелді Іслямов пен Ертіс ПБ ювеналды полиция қызметкері полиция капитаны Руслан Мазбаев қабылдаған шаралардың нәтижесінде ұлдар Новаторлар мен Лев Толстой көшелерінің қиылысынан табылды. Кәмелетке толмағандар түсіндіргендей, олар тәрбиешілерге ескертусіз қаланы серуендегісі келді. Қазіргі уақытта олардың өмірі мен денсаулығына қауіп төніп тұрған жоқ, олар орталыққа жеткізілді", - деп түсіндірді Өскемен қалалық полиция басқармасы бастығының міндетін атқарушы полиция подполковнигі Орал Рыспаев.
