USD447.67EUR491.36RUB5.74

Әдеби қажылық

20 желтоқсан 2019, 17:28
Шаншу.

Ермахан Шайхыұлы қажылық парызын өтеуге асыл ағалары Әбдіғаппар Сыбанбай мен Аманхан Әлімұлы және алғыр інілері Сәкен Сыбанбай, Есей Жеңісұлы, Мақсат Мыхыбаевпен бірге барады. Ұлы сапардағы игі де ізгі амалдарды ылғи да бірге жүріп атқарады. Сәл қолдары босай қалса өткен-кеткенді айтып әзілдеседі. «Да­ныш­пан жеңешемнің ақылы таусылып қалып, Аманхан ағама қиын болып жүр-ау» деп Аманхан ағамызды қажап қалжыңдасады. Аманхан ағамыздың қожа екендігін астарлап, оған «Местный жігіт» деп ат қойып, айдар таққан да – Ерекең. Сондай қол босай қалған кездің көбісінде Аманхан ағамыз тек әдебиет төңірегінде ұзақ сонар әңгіме айта берсе керек. Соны меңзеген Ерекең жігіттерге көзін қысып қойып:

– Осы Әбекең әдеби қажылыққа келген-ау шамасы,– деген екен.

Ермахан Шайхыұлы атындағы грант

 Ермахан Шайхыұлының Мағауия атты ұлы Темірбек Жүргенов атындағы өнер академиясына оқуға түседі. Осы жағымды жаңалықты естіген әріптес інісі Есей Жеңісұлы Ерекеңді қызу құттықтап, ізгі тілек-ниетін білдіреді. Ерекең де оған алғысын жаудырып, жұғысты болсын айтады.

– Айтпақшы, інішек грантқа түскен шығар,– дейді Есағаң сауалын нақтылай түсіп.

Сонда Ермахан жанындағы Асқар Алтайұлына көзін қысып қойып, еш сас­пастан:
– Иә, ол Ермахан Шайхыұлы атын­дағы грантқа түсті ғой,– деген екен қар­жысын өзі төлейтінін меңзеп.

Бану ШАЛОВА 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2020
Әрленім және құрастыру
SemStar