«Үш бәйтерек» спектакілімен Абай атындағы мемлекеттік қазақ музыкалық драма театры жаңа маусымды күні ертең ашатын болады. Сондай-ақ, алдағы уақытта «Қарагөз», «Әйел махаббаты», И.Штраус «Жарқанат» қойылымдары көрерменге жол тартпақ.
- Біз биыл театрымыздың күзгі маусымын «Үш бәйтерек» спектаклімен ашқалы жатырмыз. Бұл қойылымнан бөлек көрерменге ұсынатын бірнеше өнер туындыларымыз бар. Сондай-ақ, жерлесіміз, белгілі ақын Тыныштықбек Әбдікәкімұлының шығармашылығынан қойылым қоюды жоспарлаудамыз, - деді Абай атындағы мемлекеттік қазақ музыкалық драма театрының көркемдік жетекшісінің міндетін атқарушы Әсел Нұрланова.
Театрдың күзгі маусымына дайындық Достоевский атындағы орыс драма театрында да қызу жүріп жатыр. Олар осы маусымда бірнеше кешкі спектакльдер мен ертегілер сахналайды.
- 22-24 қыркүйекте маусым басталып, мәскеулік режиссер О.Плаксин жұмыс істейтін А. Пушкиннің "Евгений Онегин" өлеңіндегі роман бойынша көрсетілім өтеді, біз көрермендерді күтеміз. Осыдан кейін Көкшетау қаласындағы Халықаралық театр фестиваліне "Мценск уезінің Леди Макбет" спектаклімен бару жоспарлануда. Тағы бірнеше кешкі спектакльдер мен бір ертегі бар, - дейді орыс драмаларының көркемдік жетекшісі.Достоевский атындағы театр Андрей Глушков.
«Дариға –ай» жастар театры өткен маусымда Қазақстан атынан Түркия елінің Кония қаласында өткен халықаралық түркітілдес театрлар фестиваліне қатысып, өз қойылымдарын қойған. Фестивалдің іріктеу кезеңіне Қазақстандық 34 театр ұсыныс тастап, соның екеуі ғана жолдама алған. Ал, биылғы маусымда «Дариға –ай» жастар театры екі бірдей фестивалге шақыртылған.
- Біз биыл екі жерге шақырту алдық. Оның бірі Қалибек Қуанышпаевтың 100 жылдығына арналған Қарағанды қаласындағы республикалық фестиваль. Оған «Қозы көрпеш - Баян сұлу» спектакілін апарамыз. Одан кейінгі екінші фестиваль Литва мемлекетінде өтеді. Ол жерде « Я»- деп аталатын моно спектакль қоямыз. Жалпы, негізінен біз жоспар бойынша жылына 130-ға жуық қойылым қоямыз, – деп түйіндеді «Дариға –ай» жастар театрының көркемдік жетекшісі Еркебұлан Нұғыманов.
