Сенбілікке қала тұрғындары, мемлекеттік мекемелердің, бюджеттік ұйымдардың, жоғары және орта оқу орындарының, шағын және орта бизнес субъектілерінің, көппәтерлі тұрғын үйлерді басқару органдарының қызметкерлері, жеке сектордың үй иелері шықты.
Бүгінгі сенбілікте көп пәтерлі тұрғын үйлердің тұрғындары ерекше белсенділік танытты. Сондай-ақ, облыстық қалалық әкімдіктің мамандары қаланың шеткері аумақтарында сенбілік өткізді. Қала әкімі Нұрбол Нұрсағатов Бобровка мен Жоламан кентіндегі сенбілікке қатысып, қала тұрғындарымен бірлесіп қоқыстарды тазалады.
Санитарлық тазалауды және қоқысты жинауды қамтамасыз етуге арнайы техника, оның ішінде 20 тиегіш пен 60 самосвал көлігі жұмылдырылды.
Сағат 12:00-де сенбілікке қатысушылар жинаған 150 тоннадан астам қоқыс полигонға шығарылды.
Семей қаласы әкімінің аппараты бүгінгі сенбілікке қатысқан қаламыздың барлық қамқор тұрғындарына өз алғысын білдіреді. Тазалық өзімізден басталады!
