Осыған орай, Ертіс өзенінің оң жағалауында "Ата заңым- айбыным" атты салтанатты шара өтті. Қазақстан Республикасының Мемлекеттік Әнұраны шырқалғаннан кейін, қала әкімі Нұрбол Нұрсағатов жиналған жұртшылықты Конституция күнімен құттықтады.
"Ата Заңда бекітілген конституциялық нормалар бүгінде өзінің өміршеңдігін, заман талабына лайықтығын жан-жақты дәлелдеді. Біздің Конституциямыз, ең алдымен, елдің бірлігі мен қоғамның қауіпсіздігін, ұлттар мен ұлыстардың ауызбірлігін, ең бастысы – жеке адамның құқықтары мен бостандықтарын қорғайды”,- деді қала әкімі Нұрбол Нұрсағатов.
Салтанатты шара меркелік бағдарламамен ұласты. Қалалық мәдениет сарайының өнерпаздары “Қыран" театрландырылған қойылым қойды. Потриоттық бағыттағы әндер, викториналық сұрақтар, флешмоб ұйымдастырылды.
Ертіс өзенінің 1000-ға жуық адам жиналды. Семейліктер Конституция мерекесін қуанышпен қарсы алды.
"Қаламызда дәл осындай мерекелік концерт көңілімізден шығуда. Бүгңн концерттер, алаңда түрлі іс-шаралар ұйымдастырылғанына өте қуаныштымыз, бұл қуаныш пен бірліктің теңдесі жоқ атмосферасын сезінуге мүмкіндік береді. Баршаңызды мерекемен құттықтаймын",- деді қала тұрғыны Динара Қуанышқызы.
Айта кетейік, күні бойы қалада түрлі іс-шаралар өтеді.
