Абай облысы әкімінің орынбасары Димитрий Гариков барлық өңірлерде су тасқыны кезеңіне дайындық қарқынды жүріп жатқанын атап өтті.
– Облысымызда 1300-ден астам су өткізетін құбыр, 130-дан астам көпір бар. Жалпы, облыстағы су өткізгіштер мен көпірлердің барлығы дерлік ашық. Облыстық, республикалық маңызы бар жолдарда артта қалушылық бар, бірақ жұмыс тоқтап тұрған жоқ. Гидротехникалық құрылыстарды көктемгі тексеру жұмыстары да жүргізілді. Аймақтарда қату тереңдігі нормадан аспады. Ертістегі мұздың қалыңдығы 70-80 сантиметрге дейін жетеді. Семей өңірінде оның қалыңдығы 64 сантиметрді құрайды. Бүгін біз мұз жару жұмыстарын былтырғыдан да ерте жүргіздік, өйткені күннің күрт жылынуы күтілуде. Бесқарағай мен Бородулиха аудандарында да мұз жару жұмыстары жоспарланған, - деді Дмитрий Гариков.
Облыстық Төтенше жағдайлар департаменті бастығының орынбасары Сұлтан Ахметов барлық қызметтер, күштер мен құралдар да ықтимал су тасқынына дайындалып жатқанын, РҚШОЖ-ны бақылау тексеруі деп атауға болатынын айтты.
- РҚШОЖ барысында азаматтық қорғаныс қызметтерінің ықтимал су тасқынына дайындығы тексеріледі. Өрт сөндіру бөлімі халықты эвакуациялау үшін толық дайындықта. Семей қаласының жедел медициналық жәрдем қызметінің негізінде құрылған медициналық қызмет су тасқыны кезінде зардап шеккендерге көмек көрсете алады. «Қызыл жарты ай» бірлестігі де медициналық және психологиялық көмек көрсете алады. Полиция қызметкерлері қоғамдық тәртіпті сақтауда, - деді Сұлтан Ахметов.
Сондай-ақ Сұлтан Ахметов қалада кез келген уақытта 30-ға жуық эвакуациялық пункттер орналастырылуы мүмкін екенін айтты.
- Эвакуациялық орталық зардап шеккендерге көмек көрсетіп, эвакуацияланғандарды ыстық тамақпен қамтамасыз ете алады. Сондай пункттердің бірі «Семей» қонақүйінде орналасқан. Қонақ үй әкімшілігінің өкілдері бір мезгілде 30-дан 50-ге дейін эвакуацияланушыны қабылдай алады. Сонымен қатар, қалада 30-ға жуық эвакуациялық пункттер бар, олардың кейбіреулері арнайы мерзімге, кейбіреулері күтпеген төтенше жағдайлар кезінде ашылады. Сонымен қатар, бізде эвакуацияға көмектесетін медициналық құтқару пункттері бар, - деп түйіндеді сөзін Сұлтан Ахметов.
– Қазір өзендегі су деңгейі қалыпты шегінде. Сонымен қатар, қаланы қардан тазарту мәселесі де бар. Бұл жұмыстарды да жүргізіп жатырмыз, 50 техника жұмыс істеп тұр. Қалада барлығы 15 су басу қаупі бар аумақ анықталды. Әрине, алаңдататын жайттар бар, бірақ олардың барлығы қала әкімдігінің толық бақылауында, – деді Нұрбол Нұрсағатов.
Су тасқынының алдын алу мақсатында РКШОЖ аясында бүгін өзеннің жайылмасында жарылыс жұмыстары жүргізілді. Семей қаласының әкімі Нұрбол Нұрсағатов атап өткендей, қажет болған жағдайда жарылыс жұмыстарын қайталауға болады.
