Күн тәртібінде қоғамдық көлік мәселесі тұрды.
"Қоғамдық көлік мәселесі - бүгінгі таңда қаладағы ең өткір мәселелердің бірі. Шығыс кентінде ғана емес, жалпы маршруттарда аз автобустар жүреді. Дүйсенбіде менде тасымалдаушылармен кездесу жоспарланған. Біз бұл мәселені шешу үшін барлық мүмкіндіктерді қарастырамыз", - деді қала әкімі тұрғындардың сұрақтарына жауап бере отырып.
Одан әрі кездесуге қатысушылар Восточный кентінде қоғамдық кеңістік салуды сұрады.
"Кенттің аумағы үлкен және биыл біз мұнда қоғамдық демалыс аймағын жабдықтауды жоспарлап отырмыз. Қазір орынды анықтап жатырмыз", - деді Нұрбол Нұрсағатов.
Сондай-ақ, ауыл тұрғындары электр энергиясы үшін жоғары тарифтерге шағымданып, оларды "ШҚ АЭК" қызметіне ауыстыруды сұрады.
"Бұған дейін бұл саяжай массивы болған, осыған байланысты әр үйге тек 5 киловатт электр энергиясы бөлінеді. Бұл мәселені шешу үшін көп уақыт қажет", - деп жауап берді әкім.
Сондай-ақ, тұрғындар қоқыс шығару, сумен жабдықтау және қаңғыбас жануарлар сияқты мәселелер туралы айтты.
Қала әкімі Нұрбол Нұрсағатов тұрғындардың кездесу барысында қойған барлық сұрақтарына жауап берді.
Естеріңізге сала кетейік, бұған дейін Нұрбол Нұрсағатовтың тапсырмасы бойынша Семей кенттері мен тұрғын алаптарында қала әкімінің бас инспекторлары тағайындалған болатын.
Қала әкімінің муниципалдық өкілдері халықпен өзара іс-қимыл жасайды және оларға бекітілген пункттерде орындалатын барлық жұмыстарға жауап береді.
