USD443.44EUR480.51RUB4.88

Семейде тозығы жеткен жеделсатылар жаңартылады

17 қазан 2022, 16:18
Семейде апатты жағдайда тұрған жеделсатылардың саны азаяды. Осыған байланысты келесі жылдан бастап тозған жеделсатыларды алмастыру және толығымен жөндеу жоспарлануда.
Семейде тозығы жеткен жеделсатылар жаңартылады

Қаладағы тұрғын үйлерде 675 жеделсаты бар. Олардың 395-і қолдану мерзімінен (25 жыл) асып кеткен. Сондай-ақ 47 тұрғын үйде жеделсаты мүлдем істемейді.

Осыған байланысты көппәтерлі тұрғын үйлерді жаңғырту бағдарламасы әзірленді. Аталған бағдарлама бойынша пәтер, тұрғын емес үй-жайлардың иелері мемлекет көмегінің арқасында жеделсатыларды ауыстыра алады.

Яғни, мемлекет тарапынан құны төленген соң, тұрғындар ортақ мүліктегі үлесіне сәйкес 7 жыл ішінде қаражатты қайтаратын болады.

Жеделсатыларды ауыстыру үшін тұрғындарға:

  1. Бағдарламаға қатысуға өтінім беру;
  2. Ақау туралы акт хаттамасын, коммерциялық ұсыныс және әрбір пәтерге төлем кестесін бекітіп, тұрғындар мен лифт жабдығын жеткізуші арасынан бастамашыл топ мүшелерін таңдау;
  3. «Семей тұрғын үй» КММ басқару органымен, операторымен және жеделсаты жабдығын жеткізушімен лифтті ауыстыру туралы шарт жасасу қажет;

Тұрмысы төмен азаматтарға жергілікті бюджет есебінен тұрғын үйді күтіп ұстауға ақы төлеу үшін көмек көрсетіледі. Ол үшін жұмыспен қамту және әлеуметтік бағдарламалар бөліміне хабарласу қажет.

Барлық сұрақтар бойынша, сондай-ақ қосымша ақпарат алу үшін тұрғындар Семей қаласының тұрғын үй-коммуналдық шаруашылық бөліміне және тұрғын үй инспекциясына хабарласа алады.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar