Семейде, басқа қалалар мен елдерде бұрыннан тұрып жатқан, бірақ бұрынғысынша өзінің шағын отанын жақсы көретін және оның өркендеуіне үлес қосуға дайын бизнес өкілдері жиналды.
- Бүгін біз Абай күнін атап өтудеміз. Бұл ұлы ақын мен ойшылдың оның есімімен аталатын аймақ құрылғаннан кейінгі алғашқы құрметі. Сондықтан мереке есте қаларлықтай болғанын қалаймын. Бүгін форумға біздің жерлестеріміз - бұрынғы Семей облысы мен Семей қаласының тумалары жиналды, - деді өз сөзінде Абай облысының әкімі Нұрлан Ұранхаев.
- Шақыруымды қабыл алып, Ұлы Абай күні құрметіне, алғаш рет, бас қосқан баршаңызға, өмірлеріңіздің ең бір қимас шақтарын өткізген Туған жерлеріңізге, Өскен орталарыңызға - Ұлы Абай еліне қош келдіңіздер! Халқымызда «Ерім дейтін ел болмаса, елім дейтін ер болмас» деген аталы сөз, бекерге айтылмаса керек. Сіздер қай жерде жүріп, қандай қызмет атқарсаңыз да «елім, жерім» - деп, ешкім міндет етпеген, туған жерге деген перзенттік парыздарыңызды, қолдан келер нақты іспен дәлелдеп жүрсіздер! Біз Сіздермен мақтанамыз, біз Сіздерді жас ұрпаққа үлгі етеміз. Бүгінгі бас қосудың да басты мақсаты осы.
