USD459.75EUR494.14RUB5.54

Абай облысында "Зорлық-зомбылықсыз 16 күн" республикалық акциясын қорытындылады

14 желтоқсан 2022, 10:37
25 қарашадан 10 желтоқсанға дейін Абай облысының аумағында "Зорлық-зомбылықсыз 16 күн" республикалық акциясы өтті, оның негізгі мақсаты халыққа тұрмыстық зорлық-зомбылықтың алдын алу және жолын кесу, олардың полицияға деген сенімін арттыру, қоғамдағы отбасы институтын нығайту бойынша қабылданып жатқан шаралар туралы білім беру болып табылады.
Абай облысында

Акция барысында Абай облысының аумағында 500-ден астам қоғамдық іс-шаралар ұйымдастырылып, өткізілді, оның шеңберінде құқықтық сауаттылықты арттыруға, тұрмыстық зорлық-зомбылықтың алдын алуға бағытталған халық арасында кең ауқымды түсіндіру жұмыстары жүргізілді.

Акция шеңберінде тәртіп сақшылары тұрғылықты жері бойынша ішкі істер органдарының есебінде тұрған 3 мыңнан астам отбасын, оның ішінде оларға қатысты қорғау ұйғарымдары шығарылған 1 300-ден астам адамды, мінез-құлыққа ерекше талаптар белгіленген 400-ден астам адамды, 600-ден астам қолайсыз отбасын және ішімдікке салынатын 1200 адамды тексерді.

Түсіндірме-профилактикалық жұмыс, есепке қою, қорғау ұйғарымдарын шығару және ерекше талаптар белгілеу, мінез-құлқы бұзылған адамдарды мәжбүрлеп емдеу туралы өтінішхаттарды жіберу нысанында жеке профилактика шаралары 3-тен астам құқық бұзушыға қатысты қолданылды.

Абай облысының аумағында 35-тен астам ақпараттық билбордтар мен плакаттар орнатылып, 7 мыңнан астам тақырыптық жадынамалар мен буклеттер таратылды.

"Зорлық-зомбылыққа қарсы 16 күн" республикалық акциясының ақпараттық науқаны аясында 400-ден астам адам, оның ішінде құқық қорғау органдарының қызметкерлері, жергілікті атқарушы органдардың өкілдері, Әйелдер істері және отбасылық-демографиялық саясат жөніндегі комиссиялардың мүшелері, білім беру, денсаулық сақтау өкілдері, бұқаралық ақпарат құралдарының өкілдері жұмылдырылды.

"Зорлық-зомбылықсыз 16 күн "республикалық акциясы 10 желтоқсанда аяқталды, алайда әйелдер мен балаларға қатысты құқық бұзушылықтар мен қылмыстардың алдын алу жұмыстары тұрақты негізде жүзеге асырылатын болады.

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar