Жаңа 2022-2023 оқу жылы дәстүрлі түрде 1 қыркүйекте басталады.
1-сыныптарда оқу жылының ұзақтығы 35 (бұрын – 33) оқу аптасын, 2-11 (12) - сыныптарда-36 (бұрын-34) оқу аптасын құрайды.
Оқу жылы ішіндегі каникул:
1-11 (12) сыныптарда:
күзгі - 7 күн (2022 жылғы 31 қазаннан бастап 6 қарашаны қоса алғанда);
қысқы - 9 күн (2022 жылғы 31 желтоқсаннан бастап 2023 жылғы 8 қаңтарға дейін қоса алғанда);
көктем - 9 күн (2023 жылғы 18-26 наурызды қоса алғанда).
1 сыныптарда қосымша демалыс белгіленген-7 күн (2023 жылғы 6-12 ақпанды қоса алғанда).
Бұл ретте жазғы демалысты екі аптаға қысқарту жоспарланып отыр.
Министрлікте түсіндіргендей, қосымша екі оқу аптасын қосу арқылы оқу жылының ұзақтығын арттыру күніне сабақтар санын қысқартуға, "күрделі" тақырыптарды зерделеу қарқындылығын төмендетуге, білім беру процесін дамыта оқыту қағидаттарында ұйымдастыруға мүмкіндік береді.
Жазғы кезеңде каникул күндерінің санын қысқарту өткен оқу жылында білімнің бір бөлігін жоғалту қаупін азайтады, құқық бұзушылықтардың төмендеуіне, оқушылардың шамадан тыс жұмыс істеуі мен сырқаттанушылығының төмендеуіне әкеледі, делінген құжатта.
Бұйрық жобасы 2 тамызға дейін Ашық НҚА сайтында орналастырылған.
ФОТО: m.yk-news.kz
