Ақсуат ауданының әкімі Асхат Смайылов олардың құрамына 9 ауылдық округ және 29 елді мекен кіретінін айтты.
- Қазақстан Республикасы Президентінің 2022 жылғы 3 мамырдағы "Қазақстан Республикасының әкімшілік-аумақтық құрылысы туралы" Жарлығы негізінде Ақсуат ауданының әкімшілік алаңы өзгерді. Қазір Ақсуат ауданының аумағы 1 млн 311 мың га құрайды, ауданда 9 ауылдық округ және 17 344 адам тұратын 29 елді мекен бар. Олардың әрқайсысында барлық талаптарға сәйкес өз аумақтары бекітілді. Әрі қарай жұмысты алгоритмге сәйкес жалғастырамыз, – деді Смайылов.
Көкпекті ауданының әкімі Ділдәбек Оразбаев қажетті жұмыстар жалғасатынын айтты.
– Бүгінгі таңда бізде 9 ауылдық округ және 28 елді мекен бар. Ағымдағы жылдың 1 қаңтарындағы жағдай бойынша аудан халқының саны 14 мыңнан асты, – деді аудан әкімі.
Ауыл шаруашылығы және жер қатынастары басқармасы басшысының міндетін уақытша атқарушы Анзор Абаев Президенттің Абай облысын құру туралы Жарлығын іске асыру үшін ШҚО құрамынан 8 аудан мен екі қаланы бөлу арқылы ҚР Үкіметіне Абай облысының шекарасын белгілеу бойынша ұсыныс жобасын бөлу ұсынылғанын хабарлады.
Облыс әкімі аппаратының басшысы Жасұлан Сәрсебаев мәслихаттың қарауына облыс әкімінің халықпен кездесуінің икемді кестесін келісу шығарылатынын айтты.
- Өздеріңіз білетіндей, наурыз айында Мемлекет басшысы тиісті әкімдердің халықпен тұрақты кездесулер өткізу туралы Жарлыққа қол қойды. Бүгінгі күні кесте жасалды - 3 тоқсанда халықпен 6 кездесу жоспарланған: шілде айында Үржар және Аягөз аудандарында, тамыз айында Бородулиха және Бесқарағай аудандарында, қыркүйекте Курчатов қаласында және Абай ауданында өткізіледі. 4 тоқсанда төрт кездесу өтті: қазан айында – Ақсуат, Көкпекті аудандарында. Қараша айында -Жарма ауданында және Семей қаласында, - деп атап өтті Жасұлан Сәрсебаев.
Сессия барысында сондай-ақ "Шығыс Қазақстан облысы" деген жазуы бар маңдайшаларды "Абай облысы" деген жазуы бар маңдайшаларға ауыстыру туралы мәселелер көтерілді.
