Мәселен, Семейде қоқысты қайта өңдеу технологияларын енгізу және тұрғын үй жобаларын іске асыру жоспарлануда. Болашақ жаңа ғимараттар үшін барлық қажетті инфрақұрылымды салу қажет. Абай облысының әкімі Нұрлан Ұранхаев аудан әкімдерінің есебін тыңдап, иесіз қалған желілер бойынша мәселелерді шешуді тапсырды.
Кеңес барысында облыстың қалалары мен аудандарының әкімдеріне шағын және орта бизнесті қолдауға және дамытуға бағытталған жаңа жоба туралы айтылды.
«Даму» кәсіпкерлікті дамыту қоры» АҚ Мемлекет басшысы Қасым-Жомарт Тоқаевтың тапсырмасына сәйкес ҚР Үкіметі әзірлеген Кәсіпкерлікті дамыту жөніндегі 2021-2025 жылдарға арналған ұлттық жобаны іске асыруды бастады.
Енді салалық шектеусіз шағын және орта бизнес жобалары субсидиялауға және кепілдендіруге жатады. Бұл жайында «Даму» кәсіпкерлікті дамыту қоры» АҚ ШҚО бойынша өңірлік филиалы директорының орынбасары Медет Ерболұлы хабарлады.
