Жыл сайынғы іс-шараға "Шығыс" өңірлік қолбасшылығының намысын қорғаған "Жас барлаушы" командасы қатысты. Әскери-патриоттық клуб он сегіз команда қатысқан тартысты күресте төртінші орынды иеленді. "Шығыс" өңірлік қолбасшылығының қолбасшысы генерал-майор Қуанышбек Үштаев жақсы ұйымдастырылған команданың әрбір мүшесіне грамоталарды табыс етіп, жеңіліс пен Жеңіс жарыстарда қол ұстасып жатқанын атап өтті.
- Рух сергектігін сақтау қажет, өйткені бүгінгі жеңіліс ертеңгі жеңіске үлкен үміт береді, - қолбасшының сөздері балаларды жігерлендіре алды.
Енді олар өздерінің жазғы демалыстарын барынша пайдаланып, келесі жылғы "Айбын" байқауына дайындалуда. Генерал-майор Қуанышбек Үштаев "Жас барлаушы" клубы құрылған №49 орта мектептің директоры Гүлфариза Тоқтыбаеваға алғыс білдіріп, құттықтау хатын табыс етті. Іс-шара естелік суретке түсумен аяқталды. Айта кету керек, өткен жылы "Жас барлаушы" клубы үшінші орынға ие болды.
Абай аймақтық гарнизонының баспасөз қызметі
