Бұл әмбебап кітапхана Қазақстандағы ең көне кітапханалардың бірі. Оның ашылуы 1883 жылы мұражай орналасқан облыстық статистика комитетінің ғимаратында өтті.
Көп жылдар бойы кітапхананың тұрақты оқырманы Абай Құнанбаев болды. 1992 жылы тәуелсіздік алғаннан кейін кітапханаға ұлы Абайдың есімі берілді. Қазіргі уақытта мұнда 8 бөлім, 39 кітапханашы жұмыс істейді.
Кітапхана қорында 385 мыңнан астам кітап бар, оларды 19 мыңнан астам оқырман пайдаланады. Кітап беру саны жылына 396000-ды құрайды. Жыл сайын кітапхана қабырғасында 400-ге жуық түрлі мәдени іс-шаралар ұйымдастырылады.
Кездесу барысында депутаттар жүргізіліп жатқан жұмыстар мен бірінші кезекте шешілуі қажет жаңа Абай облысының бірнеше мәселелерін атап өтті.
Кітапхана қызметкерлері өз тарапынан бірқатар мәселелерді көтерді. Олардың арасында кітапхана жүйесін цифрландыру, жалақыны арттыру, жас мамандар үшін қолайлы жағдайлар жасау мәселелері де бар. Сондай-ақ, кітапхана туралы заңды қабылдау қажеттілігі туралы ұсыныстар да айтылды. Сонымен қатар, жас мамандардың жалақысы небәрі 65 мың теңгені құрайтындығы туралы мәселе көтерілді. Жалақының аз болуына байланысты жастар кітапханада жұмыс істегісі келмейді. Кітапхана қызметкерлерінің айтуынша, жалақыны кем дегенде екі есеге арттыру қажет.
Сондай-ақ, депутаттарға жаппай цифрландыру жобаларын жүзеге асыруды қажет ететін кітапханалар, мұрағаттар және ірі компаниялар үшін арнайы әзірленген автоматты кітап сканерлерінің жетіспеушілігі туралы айтылды. Қазіргі таңда, үлкен кітапхана қорынан тек бес жарым мыңнан астам кітап қана цифрландырылған.
Кітапханада өте ауқымды кітап қоры бар, бірақ қажетті техниканың жетіспеуінен бірқатар қиындықтар туындайды. Мысалы, 19 ғасырда жарық көрген көптеген бірегей журналдар мен кітаптар әлі цифрландырылмаған. Бұл жалпы кітапхананың сандық дамуына кері әсер етуде.
Заңнамаға келетін болсақ, қазіргі уақытта мәдениет туралы заңда кітапхана туралы тек деректер ғана айтылған. Кітапханашылардың айтуынша, осыған байланысты, кітапхана жүйесінің көптеген өзекті мәселелері жеткілікті түрде қарастырылмайды.
«Осы мәселелердің барлығын жергілікті деңгейде қарастырамыз және шешім нұсқаларын депутаттардың қарауына ұсынамыз», - деді кездесуді қорытындылай келе, Семей қаласының әкімі Бақытжан Байахметов.
