USD468.98EUR493.74RUB7.59

Семейде алты шағын ауданды дамытуға екі миллиард теңге бөлінеді

29 маусым 2022, 15:32
Мұндай мәліметтерді Семей қаласының әкімі Бақытжан Байахметов Нахаловка, 14 шағын аудан, 905 құрылыс аудандарының, Цементшілер, Степной, Западный кенттерінің тұрғындарымен кездесуде келтірді.
Семейде алты шағын ауданды дамытуға екі миллиард теңге бөлінеді

Кездесу басында қала әкімі тұрғындарды ағымдағы жылы атқарылған жұмыстар мен алда тұрған міндеттер туралы таныстырды. Сондай-ақ, ағымдағы жылдың 5 айындағы қаланың әлеуметтік-экономикалық даму қорытындылары туралы айтып берді. «Қала әкімі қызметіне кіріскен сәттен бастап мен қала тұрғындарымен тұрақты түрде кездесулер өткіземін. Осы кезеңде 178 көшпелі кездесу өткізілді, оның 136 – қалада, 42– ауылдық округтерде өтті.

Біз тұрғындармен кездесулердің қорытындысы бойынша Семей қаласының 2022 жылға арналған әлеуметтік тәуекелдер картасын құрастырдық. Аталған картаға сәйкес, 199 мәселе бюджеттен қаржыландыруды талап етеді», - деді Бақытжан Байахметов. Ең өткір мәселе қала инфрақұрылымының тозуы болып табылады. Соңғы жылы оны жақсарту бойынша нақты  жұмыстар жүргізілді.

Бақытжан Байахметов жүргізіліп жатқан жұмыстар мен бүгінгі кездесуге қатысушылар тұратын шағын аудандардың даму перспективалары туралы егжей-тегжейлі айтып берді. Жол төсемінің жағдайын жақсарту үшін өткен жылы Синицын көшесіне Рысқұлов көшесінен Спартак көшесіне дейін жалпы ұзындығы 0,4 км жолға орташа жөндеу жүргізілді.

6 көшеге құм-қиыршық тас қоспасын және қиыршық тас себу арқылы жөндеу жұмыстары, оның ішінде Степной кентінде негізгі жолдан соңғы аялдамаға дейін, 14 шағын аудан және 905 құрылыс аудандарында 5 көшеге: Пожарная көшесі Рысқұлов көшесінен Стаханов көшесіне дейін, Ақмола көшесі 2-Школьная көшесінен Жеңіс көшесіне дейін, Первомайская көшесі Рысқұлов көшесінен Стаханов көшесіне дейін, Галето көшесі Карменов көшесінен Докучаев көшесіне дейін, Қашаубаев көшесі Карменов көшесінен Рысқұлов көшесіне дейін жоспарланған.

Цементшілер кенті ауданында ұзындығы 2,8 км болатын 5 көше жөнделеді. Нахаловка ауданында Щорса көшесінен Центральная көшесіне дейін Береговая көшесін орташа жөндеу жоспарланған, ұзындығы 1 км-ді құрайды. Западный кентінде Батыс өнеркәсіп торабына апаратын 2,7 км жол орташа жөндеу жұмыстары жүргізіледі. 14 шағын ауданда және 905 құрылыста Бозтаев көшесі, 1 «а» мекен-жайы бойынша (Қашаубаев көшесі Рысқұлов көшесінен Первомайская көшесіне дейін) өрт сөндіру бөліміне кіреберіс жолдарды орташа жөндеу жоспарланған. Первомайская Қашаубаев көшесінен Рысқұлов көшесіне дейін, Стаханов көшесі), ұзындығы 1,5 км-ді құрайды.

Екінші жерүсті «Южный» жаяу жүргіншілер өткелінің құрылысы жүргізілуде. Қазіргі уақытта іргетас салынуда, көпірдің металл құрылымдары қосылуда. Таза ауыз сумен қамтамасыз ету жұмыстары да жалғасуда. «Аталған шағын аудандарда 6 мыңнан астам тұтынушыға қызмет көрсетіледі, олар «Үлкен» су тоғанынан сумен қамтамасыз етіледі.  Су құбыры желілерінің негізгі бөлігі 70-ші жылдары салынған және су құбыры желілерінің тозуы 66,4%-ды, кәріз желілері-72,7%-ды құрайды.

Қаланың сол жағалау бөлігіндегі ауыз судың сапасын жақсарту мақсатында Еуропа қайта құру және даму банкі аясында Западный кентіндегі Строительная көшесіндегі 3-ші тұйық көшеге су құбырын қайта жаңарту жүргізілді», -  деді Семей қаласының әкімі.

Степной кентінің тұрғындарымен кентті орталықтандырылған жылумен жабдықтауға қосу мәселесі бірнеше рет көтерілді. Осы мәселені шешу үшін ағымдағы жылы «Восток-котлы» ЖШС-мен шарт жасалды. Жұмыстарды орындау мерзімі-7,5 айды құрайды. Жұмыстарды 2 кезеңде орындау жоспарлануда. 2022 жылы оқу жылы басталғанға дейін салынып жатқан мектепті қосу жоспарлануда. 2023 жылы 17 тұрғын үйді қосу жұмыстары жүргізіледі.

ЦТП-518 және кварталішілік жылу желілерін реконструкциялауға 2022 жылғы 24 наурызда  сараптама қорытындысы алынды.  Осы жобаны іске асыру кезінде Цементная, Спартак, Физкультурная, Рысқұлов көшелеріне жөндеу жүргізіледі. Жоба республикаға мәлімделетін болады.

Көше жарығын жаңғырту жұмыстары жалғасуда.  Өткен жылы жалпы қала бойынша 188 көше шамдары ауыстырылып, жарықтандырылды, оның ішінде жалпы ұзындығы 2,7 км Цемпоселок аудандарындағы 3 көше (Синицын көшесі Рысқұлов көшесінен Спартак көшесіне дейін; батыс өндірістік торабы (Бегалин көшесі) және Нахаловка (Стальский көшесі Щорс көшесінен 1-Стальская көшесіне дейін).

«2023 жылы аталған аудандарда жарығы жоқ тағы 11 көшені жарықтандыру жоспарлануда, оның ішінде: Батыс кентінде - 4 көше: Багряная, Широкая, 5-Щорса, Западный кенті 5 тұйық көшесі; Цементшілер кентінде - 3 көше: Рахимов, Жастар тұйық көшесі 1, Батыс өнеркәсіп торабы көшесі;  Нахаловка - 3 көше: Лесопильная, Синицын, 2 Стальский тұйық көшесі; Степной кентінде - Машиностроительная көшесі», - деді осы жылға арналған жұмыс жоспарлары туралы Бақытжан Байахметов.

Аумақтарды қазіргі заманғы қала құрылысы нормаларына сәйкес ұйымдасқан және ұтымды игеру мақсатында ағымдағы жылы сол жағалау аймағының (14, 15 шағын аудандар) және Цементшілер кентінің егжей-тегжейлі жоспарлау жоспарын түзету жоспарлануда. Шарт 10 Маусымда «ПФ «Градо» ЖШС-мен жасалды. Аяқтау мерзімі 30 қарашаға дейін деп күтілуде.

Қаланың басым мәселелерінің бірі абаттандыру болып табылады. Қала басшысының айтуынша, ағымдағы жылы 14 ықшам аудан 4, 5, 6, Первомайская 32 А, 2 Школьная 1б; Галето 51, Спартак 23 және 21 көшелері бойынша 2 аула (8 үй) абаттандырылатын болады. Қазіргі уақытта өтінімдерді қабылдау жүргізілуде. 2 балалар алаңы (Степной кенті және Физкультурная көшесі 9/1) және 1 спорт алаңы (Физкультурная көшесі 9/1) орнатылады.

Семей қаласының әкімдігі білім беру саласын дамытуға ерекше көңіл бөледі. Степной, Западный және Нахаловка кенттерінде жалпы білім беретін мектептер жоқ. Балаларды мектеп автобустарымен №10, 11, 22, 39 жалпы орта мектептерге тасымалдау ұйымдастырылған.  Қалған оқушылар қала мектептеріне қалалық автобустармен жетеді. Оқушы орындарының тапшылығын жою мақсатында ағымдағы жылдың қыркүйек айында Степной кентінде 300 орындық жалпы білім беретін мектептің құрылысы жоспарлануда.

2021 жылы №11 жалпы орта мектебі, №22 жалпы орта мектебі, № 10 жалпы орта мектебі, №32 жалпы орта мектептеріне жөндеу жұмыстары жүргізілді. Сонымен қатар №22 жалпы орта мектебі (география кабинеті), №39  жалпы орта мектебінің (еңбек кабинеті, математика, мультимедиялық кабинет), №10 жалпы орта мектебіне (математика, география) 6 кабинет сатып алынды.

Ағымдағы жылы жалпы орта мектептерді ағымдағы жөндеу жоспарлануда №10; 11; 22; 32; 39 кабинеттер сатып алу (ЖОМ №10, 22, 32, 39).

Жолаушылар тасымалы саласында 15 қалалық маршрут қызмет көрсетеді: № 6, 9; 14; 15; 16; 18; 21; 25; 26; 27; 30; 36; 39; 48; 55.

«Болашақта 2024 жылға дейін 6 шағын ауданды дамытуға 2 млрд.теңгеден астам қаражат жұмсау жоспарланып отыр. Нагорная көшесінен Докучаев көшесіне дейін Широкая көшесіндегі 518, 507 ЦТП және магистральды құбыр желілерін, су құбыры желілерін реконструкциялау бойынша жұмыстар жүргізілетін болады. Қашаубаев көшесі 2 А, Строительная көшесі және Цементшілер кенті көшесіндегі тұрғын үйлерге су құбыры желілеріне күрделі жөндеу жүргізіледі. Сондай - ақ, 10 көшені жарықтандыру, 4 көшені орташа жөндеумен қамту, 3 ауланы абаттандыру және балалар алаңын орнату жоспарлануда», - деді қала әкімі тұрғындармен кездесуде.

Бақытжан Байахметов тұрғындарды атқарылып жатқан жұмыстарды қоғамдық бақылауға белсенді қатысуға шақырды. Кемшіліктер анықталған жағдайда, мердігерлерден оларды жоюды талап етіңіз. Бұл мәселеде біз, жергілікті атқарушы билік ретінде, тапсырыс берушілер ретінде әрқашан сіздердің тараптарыңызда боламыз, деп сендірді қала әкімі.

Содан кейін Бақытжан Байахметов тұрғындардың сұрақтарына жауап берді. Тұрғындар Түрксіб көшесі 51-53 мекенжайы бойынша ауланы абаттандыруды сұрады. Бұл жұмыстар келесі жылға арналған жоспарға енгізілген. Тұрғындар Докучаев көшесіндегі жолды жөндеуді сұрады. Мәселе бюджетті жақын арада нақтылау кезінде шешілетін болады.

Степной кентінің тұрғыны гүлзарлар мен көшеттермен мал қоректенеді деп шағымданды. Оның айтуынша, жергілікті учаскелік инспектор ешқандай шара қолданбайды. Қала әкімі Аманжол Қадырмолдинге иесіз жайылып жүрген жануарлардың иелерін анықтап, заңнамаға сәйкес айыппұл салуды тапсырды. 

Титов көшесінің тұрғыны сумен қамтамасыз етуді және жолды жөндеуді сұрады. Қала әкімінің айтуынша, бұл көшені сумен жабдықтау келесі жылға арналған жұмыс жоспарына енгізілген. Осыдан кейін жолды жөндеу мәселесі қаралады.

Қалада қант тапшылығы туралы сұрақтар болды. Бақытжан Байахметовтың айтуынша, қалада белгілі бір қант қоры бар. Сонымен қатар, шілде айының басында теміржол арқылы 300 тонна қант жеткізіледі деп күтілуде. Қанттың жоғары бағасына маусымдық сұраныс пен сыртқы факторлар әсер етеді.

Тұрғындармен кездесуде барлығы 20-дан астам мәселе айтылды. Содан кейін қала әкімі азаматтарды жеке қабылдады.

Степной кентінің тұрғыны Гүлсайра Смаилова тұрғын үйге кезектілік және 2-топтағы мүгедек ұлы Мерхат Смаиыловты жұмысқа орналастыру мәселесі бойынша өтініш білдірді. Тұрғын үй инспекциясы бөліміне өтініш берушіге кеңес беру, ал әлеуметтік қамтамасыз ету бөліміне Мерхат Смаиыловтың жұмысқа орналасуы мәселесін пысықтау тапсырылды.

Мәдина Бейсембекова - көпбалалы ана болып табылады. Оның күйеуі, әскери қызметкер. Әскери қызметтен босатылғанға дейін бірнеше ай бұрын қайтыс болды, осылайша ол және оның балалары зейнетке шыққан кезде әскери қызметкерлерге төленетін өтемақы төлемдерінсіз қалды. Ол тұрғын үй алуға көмек көрсетуді сұрады. Тұрғын үй инспекциясы бөліміне «Көпбалалы отбасы» санаты бойынша тұрғын үй алу мүмкіндігі бойынша кеңес беруге тапсырма берілді.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

01 желтоқсан 2022, 16:07
01 желтоқсан 2022, 15:37
ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar