USD425.37EUR492.66RUB5.97

Шектеу шаралары 20 наурызға дейін ұзартылды

10 наурыз 2021, 14:31
ШҚО бас мемлекеттік санитар дәрігерінің жаңа қаулысы жарияланды. Онда жазылғандай, өңірдегі шектеу шаралары 20 наурызға дейін ұзартылды.
Шектеу шаралары 20 наурызға дейін ұзартылды

«Банкет залдарында күшейтілген санитарлық-дезинфекциялық режимді, термометрияны, маскалық режимді және әлеуметтік қашықтықты сақтай отырып, толтырылуы 30%-ға дейін, бірақ 50 адамнан аспаған кезде тек еске алу рәсімдерін өткізуге ғана рұқсат етіледі. Мектепке дейінгі мекемелерде бірнеше топ бүлдіршіндерін біріктіретін іс-шараларды өткізуге тыйым салынған», - делінген құжатта.

Оқыту форматына қатысты айтар болсақ, жалпы білім беретін мектептерде 0-5 сынып аралығында, халықаралық мектептерде 1- сыныптан 7 - сыныпқа дейін қоса алғанда, әр сыныпта 25 оқушыға дейін сабақ жүргізіледі. Ал жоғары сыныптағылар (9, 11 12) аптаның 6 күні ішінде аралас форматта оқиды: пәндердің 70%-ы штаттық режимде, 30%-ы қашықтан оқытылады.

«Білім беру мекемесі әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға болады. Ал колледждердің, жоғары оқу орындарының I- курс студенттерін штаттық режимде оқыту жалғастырылады», - делінген қаулыда.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

14 сәуір 2021, 11:43
ТОО «Ертіс өнірі»
Республикаға тарайтын апталық газет
© 2007—2021
Әрленім және құрастыру
SemStar