USD423.75EUR503.54RUB5.82

ҚАЛА ӘКІМІ «РСУ – 1» КЕНТІНІҢ ТҰРҒЫНДАРЫМЕН КЕЗДЕСТІ

24 ақпан 2021, 15:03
Қала аумағындағы «РСУ-1» ауылының тұрғындары талай жылдар бойы жарықтың зардабын тартып, майшаммен өмір сүріп келе жатқанына шағымданған болатын. Бұдан өзге кентте кентішілік жолдар жөнделмеген, балалар алаңдары да жоқ. Өркениет көшіне ілесе алмай қалған жергілікті тұрғындардың мәселесі бойынша қала әкімі Нұрымбет Сақтағанов аталған кент халқымен арнайы кездесті.
ҚАЛА ӘКІМІ «РСУ – 1» КЕНТІНІҢ ТҰРҒЫНДАРЫМЕН КЕЗДЕСТІ

Кездесуі жексенбіге тап келгеніне қарамастан мәселесі шашетектен  «РСУ-1» кентінің тұрғындарын алаңдатқан мәселелерге құлақ түріп, шешу жолдарын іздестіру үшін жергілікті халықпен кездесу өткізді. Кездесуде қала басшысы тұрғындарды абаттандырудың барлық өзекті проблемалары міндетті түрде шешілетініне сендірді.

-Есептік кездесу кезінде қала тұрғындарынан көптеген сұрақтар, ұсыныстар түсті. Қала аумағын толықтай аралап жүрміз. Арнайы қабылданған бағдарламамыз бар. Әсіресе, қаланың шеткі аудандарын дамыту, соның ішінде «РСУ-1», «Ақсай» кенттері бойынша басты мәселе - жарықтандыру. Тұрмыстық қалдықтарды шығару мәселесі де күн тәртібінде тұр. Абаттандыру, балалардың ойын алаңын салу, жол қатынасын жақсарту жайын осы арнайы қабылданған бағдарлама аясында жүйелі түрде шешілетін болады,-деді қала басшысы Нұрымбет Аманұлы.

 Айта кетейік, Семей қаласының әкімі ауыл тұрғындарына бір мектеп және екі балабақша салуға уәде берді. Сондай-ақ, жақын арада мұнда балалар алаңдары да ел игілігіне берілмек. Өзге де қордаланған жайлардың бәрі алдағы бірнеше жылда рет-ретімен шешілетін болады.

Аида Ахметбек

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

14 сәуір 2021, 11:43
ТОО «Ертіс өнірі»
Республикаға тарайтын апталық газет
© 2007—2021
Әрленім және құрастыру
SemStar