USD430.26EUR515.32RUB5.61

Семейдегі былғары зауыты жаңа өнім шығаруды қолға алды

23 желтоқсан 2020, 16:45
Семейдегі 10 жыл бойы тұрып қалған Былғары зауыты шығарылатын өнім желісін кеңейтуді көздеп отыр. Жарты жылдан аз уақыт ішінде кәсіпорын тұрып қалған өндірісті қалпына келтіріп қана қоймай, экспортқа шығу жолын қарастыруда. Енді өндірістік қуаттылықты арттыру, тіпті зауыт үшін жаңа өнім – желатин мен белкозин шығаруды бастау жоспарда бар.
Семейдегі былғары зауыты жаңа өнім шығаруды қолға алды

2020 жылдың маусымында «Қазақстанның инвестициялық қоры» АҚ  және Kusto Group халықаралық компаниялар тобына кіретін «Semey Tannery» ЖШС компаниясы арасында Семей қаласында былғары комбинатын кейіннен сатып алу құқығымен мүлікті жалға алу шартына қол қойылды.

Инвестор бірқатар жөндеу жұмыстарын жүргізіп, 2020 жылдың тамыз айында жұмысқа кірісті. Кәсіпорында хабарлағандай, комбинатта айына 250 тоннаға дейін шикізат өңделеді. Комбинаттың максималды қуаты жылына 1,7 миллион шаршы метрге дейін wet blue жартылай фабрикатын құрауы мүмкін. Жартылай фабрикаттарды өндіру технологиясында қолданылатын шикізат пен қажетті химиялық заттарды жергілікті өнім берушілер жеткізеді, сонымен қатар Ресейден ішінара сатып алынады.

«Бүгінде біз зауытта өңдеуге дайын 800 тоннаға жуық ірі қара терісін сатып алдық. Біз әлі максималды қуатқа жете алмадық, себебі пандемия әсер етті, елдер мен аймақтар арасындағы шекаралар жабылған кезде біз дайын өнімді экспорттай алмадық, қажетті химикаттарды импорттай алмадық, аймақтардан шикізат ала алмадық... Бұл өте қиын болды, бірақ соған қарамастан, біз төтеп беріп, өндіріс қарқынын біртіндеп арттырудамыз. Қазіргі уақытта зауыт жүктемесі шамамен 30-40 пайызды құрайды. Қазан айында өнімнің алғашқы партиясы экспортқа жөнелтілді. Біз Қазақстан бойынша шикізат сатып алу желісін құрып, отандық тауар өндірушілермен серіктестікті жолға қойдық», - деп бөлісті «Semey Tannery» ЖШС атқарушы директоры Руслан Бисенов.

Комбинат оның негізгі қызмет түрі бойынша іске қосылды: жаңа үлгіде мал терісін өңдеу, wet blue хромды илеудің экспортқа бағдарланған жартылай фабрикатына сай былғары өнімін өндіру және сату.

Кәсіпорында 100-ге жуық адам жұмыс істейді.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

14 сәуір 2021, 11:43
ТОО «Ертіс өнірі»
Республикаға тарайтын апталық газет
© 2007—2021
Әрленім және құрастыру
SemStar