Семейде облысымыздың ауылдары мен аудандарының, қалаларының экономикасына, әлеуметтік дамуына зор үлес қосқан еңбек ардагері Нәсен Сембаевтың ескерткіш тақтасын ашу салтанаты өтті. Ескерткіш тақтасы ардагер тұрған үйдің қабырғасына орналастырылды. Шараға орай туғандары, жақындары және әріптестері жиналып, Насен Ыбрайұлының өмірімен және достық туралы естеліктерімен бөлісті. Салтанатты шараға қала әкімі Ермак Сәлімов те қатысты.
- Нәсен ақсақал біздің халық сыйлайтын нар тұлға болды. Өкінішке орай, биылғы жылы, қалыптасқан эпидемиологиялық жағдайға байланысты біз қоштаса алмадық, біз оны әрқашан ұмытпаймыз. Нар тұлғасы әрқашан біздің жүрегімізде – деді қала басшысы.
Сембаев Нәсен Ыбрайұлы 1933 жылы дүниеге келген. Семей қаласының еңбек ардагері. Бірнеше мәрте Семей облыстық мәслихатының депутаты болып сайланған. «Абай ауданының құрметті азаматы».
