USD422.87EUR503.38RUB5.6

«Еңбек» мемлекеттік бағдарламасын жүзеге асыру жалғасуда

11 қараша 2020, 16:03
Жыл басынан бастап «Еңбек» бағдарламасы бойынша 3409 адам жұмыспен қамтылды. Қалалық жұмыспен қамту және әлеуметтік бағдарламалар бөлімі секторының меңгерушісі Айдар Самаевтың мәлімдеуінше, аталған бағдарламаның бірінші бағыты шеңберінде қажетті мамандықтар бойынша қысқа мерзімді кәсіби оқуларға 227 адам жіберілген. Соған сәйкес, 9 оқу орындарында 9 мамандық бойынша жаңаша оқыту жүргізілуде. Нәтижесінде слесарь-сантехник, краншы, ауылшаруашылық өндірістік тракторист-машинисі, туризм менеджері, тігінші, аспазшы, кондитер, наубайшы, дәнекерші сияқты мамандықты игеруге бет бұрғандар аз емес.
«Еңбек» мемлекеттік бағдарламасын жүзеге асыру жалғасуда

Бағдарламаның екінші бағыты – бұқаралық кәсіпкерлікті дамыту. Микронесиелерді алуға 1808,6 млн. теңге берілді. Сомасы 121 млн. теңге. Жаңа бизнес-идеяларды жүзеге асырудың мемлекеттік грантын 218 адам алды. Грант ірі қара мал өсіру, кондитер өнімдерін дайындау, тігінші қызметі және тағы да басқа жобаларды жүзеге асыруды жоспарлаған адамдарға берілді. Бағдарламаның үшінші бағыты – халықты жұмыспен қамту және еңбек ресурстарын жұмылдыру арқылы еңбек нарқын дамыту. Аталған бағыт шеңберінде тұрақты жұмыс орындарына 833 адам орналастырылды. Жұмыссыз жастар уақытша жастар тәжірибесіне, әлеуметтік жұмыс орындарына, қоғамдық жұмыстарға орналастырылды – деп мәлімдеді Айдар Самаев.  

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2020
Әрленім және құрастыру
SemStar