Биыл қаңтарда Қазақстан Республикасының "Тұрғынүй қатынастары туралы" Заңына елеулі өзгерістер енгізілді. Енді, заңның негізгі принципі: "бір үй", "бір басқарма" ,"бір есеп". Көпқабатты үй тұрғындары кондоминиум нысандарын басқарудың бір формасын таңдауға міндетті: мүлік иелерінің бірлестігі немесе қарапайым көппәтерлі тұрғын үй серіктестігі. Пәтер иелерінің кооперативінен (ПИК) мүлік иелерінің бірлестігіне (МИБ) ауысудың ерекшеліктері туралы қалалық тұрғын үй коммуналдық шаруашылық бөлімінің жетекшісі А. Өтелбаев мәлімдеп отыр.
Заң күшіне енгенге дейін тіркелген және әрекет етуші пәтер иелерінің кооперативтері өз қызметтерін 2022 жылғы 1 шілдеге дейін жүзеге асыра алады.
- Бұған қоса олар көппәтерлі тұрғынүй кеңесіне беру-қабылдау актісі арқылы барлық құжаттарды өткізуге міндетті. Яғни, құрылысқа қатысты, көппәтерлі тұрғынүйді пайдалану және қызмет көрсету, кондоминим нысанының жалпы мүліктіктерімен байланысты құжаттар - деп атап өтті Амантай Өтелбаев.
