USD447.89EUR476.78RUB4.79

«Отбасы банк»-те білім алуға қаражат жинауға болады

21 ақпан 2024, 16:19
2024 жылғы 5 ақпаннан бастап банк мемлекеттік білім беру жинақтау жүйесінің қатысушысы болды. Жаңа «AQYL» депозитінің арқасында қазақстандықтар өздеріне немесе балаларының білім алуына ақша жинай алады. Бұл туралы «Отбасы банк» АҚ облыстық филиалының несиеден кейінгі қолдау және қызмет көрсету бөлімінің бастығы Еркежан Омарғалиева АӨКҚ-да өткен баспасөз мәслихатында хабарлады.
«Отбасы банк»-те білім алуға қаражат жинауға болады

-  «Aqyl» білім беру депозиті Мемлекеттік білім беру жинақтау жүйесі аясында құрылған. Ол Қазақстан азаматтарына жеке білім алуына және балаларының білім алуына алдын ала қаражат жинауға мүмкіндік береді. Оны кез келген уақытта өзіңіз үшін немесе балаңыз 3 жасқа толғаннан бастап аша беруге болады. Депозит арқылы Қазақстандағы немесе шетелдегі колледж және ЖОО-ларда оқу ақысын төлеуге болады. Білім беру жинақтау салымын кемінде 3 жыл немесе 5 жылға ашуға болады. Егер депозит кемінде үш жыл мерзіміне ашылса, онда депозит бойынша мөлшерлеме жылдық 12% - ға тең болады, - деді Еркежан Омарғалиева.

«Аqyl» білім беру депозитін ашу үшін ең кемі 3 АЕК сомасында қаражат салу жеткілікті.  Баяндаушының сөзіне сәйкес, егер депозит кемінде 5 жылға ашылса, депозит бойынша ставка 9,5% - ға тең болады. Сонымен қатар, банктің есептелген сыйақысы ай сайын капиталдандырылады.

-5 ақпаннан бастап депозит ашып, өз біліміне немесе балаларының біліміне «Отбасы банк»-те ақша жинауға кірісуге тамаша мүмкіндік. Жинау мерзімі: 3 жылдан 20 жылға дейін. Депозитке банктен пайыздар қосылады және 5 немесе 7% мөлшерінде мемлекеттен жыл сайын сыйлықақы есептеледі. 7% жетім балалар, ата-анасының қамқорлығынсыз қалған балалар, жарымжан, көп балалы отбасынан шыққан және аз қамсыздандырылған отбасылардан шыққан балаларға тағайындалады. Ал басқа санаттағы ҚР азаматтары үшін мемлекеттік сыйлықақы – 5%, - деп толықтырды банк өкілі.

Айта кетейік, депозитті Қазақстанның депозиттерге кепілдік беру қоры сақтандырады. Яғни, банк банкротқа ұшыраса немесе жабылып қалса, мемлекет салымшыға 10 млн теңгеге дейін ақшаны қайтарып беруге кепілдік береді.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar