USD457.7EUR492.81RUB6.49

Бірнеше бағытта әуе рейсіне субсидия беріледі

25 қаңтар 2023, 11:31
Семейден еліміздің бірқатар қаласына әуе қатынасын қамту мақсатында мемлекеттен субсидия бөлінбек. Бұл ақпаратты Ұлттық экономика министрі Әлібек Қуантыров Үкімет отырысында хабарлады.
Бірнеше бағытта әуе рейсіне субсидия беріледі

«Семей қаласынан Ақтау, Атырау, Шымкент, Үржар және Павлодар бағыттары бойынша авиарейстерді субсидиялау жоспарлануда. Сонымен қатар, көлік саласы мен логистиканы дамыту аясында өңірде 11 көпір, «Аягөз-Бақты-Қытай шекарасы» учаскесінде теміржол салу және қайта жөндеу жүргізіледі. Сонымен қатар Үржар ауылында транзиттік-көлік объектісі және әуежай терминалын салу жоспарланып отыр. Сол сияқты жалпы ұзындығы 1465 шақырым болатын жергілікті жолдар күрделі және орташа жөндеуден өтеді», - деді Әлібек Қуантыров Үкімет отырысында.

Одан әрі министр Абай облысында денсаулық сақтау, білім және мәдениет, спорт саласын дамытуға қатысты жоспарын бөлісті.

«Облыста көпбейінді және балалар ауруханасын, қан орталығы және 2 емхана салу көзделген. Оқушы орындарының тапшылығын шешу үшін 6 шағын жинақты мектеп салынады. Сондай-ақ, 9 балабақша мен 3 балалар лагерін салу жоспарланып отыр. Мәдениет және спорт бойынша ауылдық елді мекендерде мәдениет нысаны, жүзу бассейні және 5 спорт модулі салынып, жөнделеді. Семей қаласында мұз сарайының құрылысы басталады және 80 адамға арналған қонақ үйі бар спорт кешенін салу жоспарда бар»,- дейді ол.

Сондай-ақ, ведомство басшысы 7 медициналық-әлеуметтік мекеме салынатынын айтты.

Айта кетсек, Үкіметте Абай облысының 2023-2027 жылдарға арналған кешенді даму жоспары таныстырылды.

Белгілі болғандай өңірімізде 14 мың жұмыс орны құрылады. 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

31 қаңтар 2023, 15:41
ТОО «Ертіс өнірі»
Республикаға тарайтын апталық газет
© 2007—2023
Яндекс.Метрика
Әрленім және құрастыру
SemStar