ҚР ІІМ Әкімшілік полиция комитеті басқармасы бастығының орынбасары Азамат Құрымбаев брифингте 3 қаңтарда Президент қол қойған түзетулер туралы хабарлады.
Құжатпен Қылмыстық және қылмыстық іс жүргізу кодекстерінің, сондай-ақ Әкімшілік құқық бұзушылық туралы кодекстің (ӘҚБтК) бірқатар баптарына өзгерістер енгізіледі. Атап айтқанда, ӘҚБтК-нің 434-бабы "ұсақ бұзақылық" толықтырылды.
"Жаңа редакцияда қоғамдық орындарда балағат сөздер айту, жеке тұлғаларды қорлау, ғимараттарды, құрылыстарды, тұрғын үй-жайларды, ортақ пайдалану орындарын, көліктегі және қоғамдық орындардағы мүлікті қорлау және айналасындағыларға құрметсіздік білдіретін, қоғамдық тәртіпті және жеке тұлғалардың тыныштығын бұзатын басқа да осындай әрекеттер ұсақ бұзақылық болып саналады. Ұсақ бұзақылық жасағаны үшін сот 5 АЕК (17 250 теңге) мөлшерінде айыппұл салады немесе 15 тәулікке дейін қамауға алады", - деді Азамат Құрымбаев.
Жаңа редакцияда айыппұл 20 АЕК (69 000 теңге) құрайды, қамауға алу 5-тен 30 тәулікке дейін тағайындалады.
Ол түзетулер алғашқы ресми жарияланғаннан кейін 60 күн өткен соң, яғни 2023 жылдың наурыз айының басынан бастап күшіне енетінін хабарлады.
