Желдің күрт күшеюі және боранның пайда болуы шығыс аймақтағы республикалық және жергілікті маңызы бар жолдарда қиын жағдай туғызды.
Төтенше жағдайлар министрлігінің аумақтық құтқару бөлімшесіне танк бригадасының және Аягөз гарнизонының инженерлік-саперлік батальонының әскери қызметшілері көмекке келді.
"Алматы - Өскемен" тас жолының 40 шақырымында броньды танк қызметінің бастығы майор Ержан Быжкеевтің басшылығымен әскери қызметшілер қар тұтқындарынан 50 адамды және 10-ға жуық автокөлікті арнайы техникамен эвакуациялады. Олардың барлығы Аягөзге жеткізілді.
Қар құрсауын жою жөніндегі іс-шараларға қазіргі уақытта бес бірлік әскери техника жұмылдырылған.
