USD468.98EUR493.74RUB7.59

Бүгінгі күннің батыры Айдос Тоғызбаевтың жанұясы жаңа қонысқа ие болды

15 қараша 2022, 12:42
Семей қаласындағы танымал «Фирма Азия» басшылары қызметтік борышын орындау кезінде қаза тапқан өрт сөндіруші, марқұм Айдос Тоғызбаевтың отбасына 3 бөлмелі пәтер берілетіні туралы қыркүйек айында хабарлаған болатын.
Бүгінгі күннің батыры Айдос Тоғызбаевтың жанұясы жаңа қонысқа ие болды

Араға 2 ай салып ЖШС өкілдері мен облыстық мәслихат депутаты Әсемқан Досқожанов «Қарағайлы» ықшам ауданында орналасқан тұрғын үйлердің бірінен 3 бөлмелі пәтердің кілтін марқұм Айдос Тоғызбаевтың жұбайы мен балаларына табыстап, жаңа қонысымен құттықтады.

Айта кетейік, 7 қыркүйекте Жарма ауданында дала өртін сөндіру кезінде Айдос Тоғызбаевтың денесін қатты күйік шалып, қызметтік борышын атқару кезінде ерлікпен қаза тапқан болатын. Айдос Тоғызбаев ол кезде 36 жаста еді. Марқұмның артында бес баласы мен жары қалды.

Еске сала кетейік, Абай облысының әкімі Нұрлан Ұранхаев пен ҚР төтенше жағдайлар вице-министрі Марат Күлдіков Айдос Тоғызбаевтың отбасына ҚР Президентінің атынан ІІІ дәрежелі «Айбын» орденін табыстаған болатын.

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

01 желтоқсан 2022, 16:07
01 желтоқсан 2022, 15:37
ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar