USD479.42EUR467.91RUB8.21

Қайрат Сатыбалдыұлының ісі: заңсыз активтер мемлекетке қайтарылды

21 қыркүйек 2022, 11:29
Сыбайлас жемқорлыққа қарсы қызмет Қайрат Сатыбалдыұлына және "Қазақтелеком" АҚ мен "Көліктік сервис орталығы" АҚ қаражатын аса ірі мөлшерде жымқыру ісі бойынша басқа да тұлғаларға қатысты сотқа дейінгі тергеуді аяқтады, деп хабарлады ведомствоның баспасөз қызметі.
Қайрат Сатыбалдыұлының ісі: заңсыз активтер мемлекетке қайтарылды

Іс бойынша бес күдікті жүріп жатыр. Олардың бірі қамауда, екеуі үй қамауында. Тергеу барысында заңсыз алынған активтер мен жалпы сомасы 240 млрд теңгеден асатын ақша қаражаты мемлекетке қайтарылды. Айыпталушылардың басқа заңсыз активтері қазір белсенді түрде анықталуда.

Қайрат Сатыбалдыұлына қатысты салық және кеден төлемдерін төлеуден жалтару, сондай-ақ қылмыстық кірістерді заңдастыру туралы қылмыстық істер қосымша тергелуде.

"Елімізде және шетелде қосымша жылжымайтын мүлік, автомобильдер және жалпы сомасы 400 млрд теңгеден немесе 900 млн доллардан асатын ақша қаражаты анықталды, барлығы жақын арада мемлекетке қайтарылады", – деп атап өтті Антикордың баспасөз қызметі.

ФОТО: exk.kz                        



Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

6 сағатқа жетпей
7 сағатқа жетпей
ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar