USD460.43EUR501.04RUB6.65

Абай облысында экологияның өзекті мәселелері талқыланды

16 қыркүйек 2022, 16:30
Семей қаласында ҚР экология, геология және табиғи ресурстар министрлігі Экологиялық реттеу және бақылау комитетінің төрағасы Зулфухар Жолдасовтың қатысуымен жұртшылықпен кездесу өтті. Комитет басшысы Абай облыстық экология департаментінің жаңа басшысы Серік Сарбасовты таныстырды.
Абай облысында экологияның өзекті мәселелері талқыланды

Кездесуге қатысушылар арасында - облыстық табиғи ресурстар және табиғат пайдалануды реттеу басқармасының басшылығы, депутаттар, қоғамдық кеңес мүшелері, қоғамдық бірлестіктердің өкілдері болды.

Кездесуде қаладағы шу мәселесі, ретсіз құрылыс, стихиялық көше саудасы, жасыл желектердің жетіспеушілігі сияқты өзекті мәселелер көтерілді.

"Облыс әкімі Нұрлан Ұранхаев облыс орталығы мен өңірдің экологиялық мәселелеріне ерекше назар аударады. Біздің қалаға бейінді Комитеттің бірінші басшысының келуі қоршаған ортаны қорғау саласындағы өзекті мәселелерді шешуде орталық және жергілікті атқарушы органдардың тығыз өзара іс-қимыл жасайтындығын куәландырады. Экологиялық мәселелерді шешуде қоғамшылдардың, бейінді қауымдастықтардың, халықтың қатысуы ерекше маңызға ие, өйткені кейде бірқатар өзекті мәселелерге терең бойлап, оларды салалық мемлекеттік органдармен тығыз байланыста шешуге дайын", - деп атап өтті облыстық табиғи ресурстар басқармасының басшысы Данияр Тоқтыбаев.

Жұртшылықпен кездесу қорытындысы бойынша қоғам өкілдерімен тығыз байланыста экологиялық блок міндеттерін шешуге кешенді қарау туралы шешім қабылданды.

 

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

27 қаңтар 2023, 14:35
26 қаңтар 2023, 16:18
25 қаңтар 2023, 12:39
ТОО «Ертіс өнірі»
Республикаға тарайтын апталық газет
© 2007—2023
Яндекс.Метрика
Әрленім және құрастыру
SemStar