Абай облысы әкімінің бірінші орынбасары Айдын Кәрімов "Kazakh Tourism" ұлттық компаниясы АҚ басқармасының төрағасы Талғат Аманбаевпен кездесті. Абай облысының туристік саласын дамыту үшін әлемдік брендтерді тарту, отандық және әлемдік туристік нарық жүйесіне кіріктіру мәселелері талқыланды.
Өңірдің перспективалы туристік орындарын ілгерілетуге, инвесторлар тартуға және туристер ағынын қалыптастыруға ерекше көңіл бөлінді. Туризмді дамытуға тиісті көңіл бөлінген жағдайда, жергілікті тұрғындар өздерінің әл-ауқатын арттыру үшін қосымша табыс көзіне ие болады. Өңірде жаңа жұмыс орындары пайда болады және тұтастай алғанда, туризм облыс экономикасының дамуына жаңа серпін бере алады.
