USD468.98EUR493.74RUB7.59

Облыс басшылығы инфляцияны тежеу мәселелерін шешу жолдарын белгіледі

19 шілде 2022, 10:37
Облыс басшылығы инфляцияны, жұмыссыздықты тежеу және отандық тауар өндірушілерді қолдау мәселелерінің шешу жолдарын белгіледі.
Облыс басшылығы инфляцияны тежеу мәселелерін шешу жолдарын белгіледі

Үкіметтің соңғы кеңейтілген отырысында Президент Қасым-Жомарт Тоқаев қазақстандықтарды толғандыратын бірқатар өзекті мәселелерді шешу қажеттігіне назар аударды.

Мемлекет басшысы бірқатар мәселелер бойынша, соның ішінде инфляция мен азық-түлік тауарларының бағасын тұрақтандыру, азаматтардың табысын арттыру және экономиканың нақты секторын қолдау бойынша нақты міндеттер қойды.

- Президент тапсырмаларының стратегиялық сипаты бар және сыртқы сын-тегеуріндерді ескере отырып, жаңа тарихи кезеңдегі мемлекеттік даму міндеттерін айқындайтынын атап өту қажет. Сондықтан біздің іс-қимылымызды үйлестіріп, ағымдағы жағдайды жан-жақты зерделеп, нақты бекітуді қамтамасыз етіп, мемлекет басшысы қойған міндеттерді іске асыру бойынша нақты шаралар қабылдауымыз қажет, - деп атап өтті облыс әкімі Абай Нұрлан Ұранхаев мемлекеттік ведомстволар басшыларымен, депутаттармен және кәсіпкерлермен кездесуде.

Облыс басшысы атап өткендей, әлеуметтік маңызы бар азық-түлік тауарларына бағаларды мониторинг жүргізу және жұмыс топтарының отырыстары арқылы ұстап тұру бойынша қабылданған шаралар нәтиже бермеді.

Бағаны ұстап тұру үшін Семейде 5,5 мың тонна картоп пен көкөніске арналған "Jolaman" көтерме-тарату орталығы жұмыс істейді.

Әлеуетті инвесторларды тарта отырып, қосымша көтерме-тарату орталықтарын салу мәселесі қарастырылуда. Әлеуметтік маңызы бар өнімдердің бағасын реттеуге мүмкіндік беретін өзінің тұрақтандыру қорымен өңірлік ӘКК құру бойынша жұмыс басталды.

- Алдағы қыста біз "Jolaman" КТО-да көкөністерді төмен бағамен сату және нарықтық бағалардың өсуін тежеу үшін картоп, қырыққабат, сәбіз қорын саламыз. Біз осы бағытта барлық жергілікті өндірушілермен жұмыс істегіміз келеді. Отандық бизнес Қазақстан экономикасын дамытуға қатысуы тиіс. Сондай-ақ, біз Семей қаласында халықаралық сауда дамуы тиіс деп санаймыз, оған Ресей мен Қытайдың жақындығы ықпал етеді, бірақ оған мемлекеттік қолдау қажет, - деп ұсыныс жасады "Ақшын "корпорациясы" ЖШС президенті Марат Құрманбай.

Сонымен қатар, кездесуге қатысушылар халықты жұмыспен қамту мәселелерін талқылады. Жұмыссыз азаматтардың табысын арттыруды қарастыратын құралдардың бірі кәсіпкерлікті дамытудың 2025 жылға дейінгі ұлттық жобасы шеңберінде жұмыспен қамтуға жәрдемдесу шаралары болып табылады.

Ағымдағы жылы Абай облысында 13 477 жаңа жұмыс орнын құру жоспарлануда. Жарма ауданында "Цемент зауытын қалпына келтіру және жаңғырту" жобасын іске асыру есебінен ғана 1085 жұмыс орны құрылады.

- Алда экономиканың барлық салаларының бәсекеге қабілеттілігі мен инновациялық құрамдасын арттыру жөнінде ауқымды жұмыс тұр. Жұмыс тиімділігінің кепілі - барлық мемлекеттік органдардың, қаржы және қоғамдық институттардың іс-қимылын үйлестіру. Сондықтан Президенттің тапсырмаларын іске асыруға әркім өз учаскесінде тікелей және белсенді қатысуы тиіс, - деп атап өтті Нұрлан Уранхаев.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

01 желтоқсан 2022, 16:07
01 желтоқсан 2022, 15:37
ТОО «Ертіс өнірі»
Республикаға тарайтын апталық газет
© 2007—2022
Яндекс.Метрика
Әрленім және құрастыру
SemStar