![Алтай ауданының ауылдарында көшелер жарықтандырылуда.](https://cdn1.radikalno.ru/uploads/2020/8/3/f2f9df957c371ee877c8a45f45955634-full.jpg)
Бұл туралы аудан әкімі Қалиқан Байғонысов әлеуметтік желідегі парақшасында мәлім етті.
- Ауылдық жерлердегі ұсақ елді мекендердің көпшілігінде лайықты көше жарықтандырулары жоқ. Жергілікті тұрғындарға ол өте көп қолайсыздық тудырады, әсіресе, қыс кезінде, - дейді әкім.
Айтуынша, Малеевка ауылдық округінің ауылдарындағы көшелерді жарықтандыруға үлкен көңіл бөлініп отыр. Путинцево ауылының екі көшесіндегі жарықтандыруды энергия үнемдеуіш жабдықтарға ауыстыру жүргізілген. Ал Малеевск ауылында көше жарықтандырудың 3 желісі жөнделіп, шамдар ауыстырылды. Алдағы уақытта осы ауылдағы балалар алаңы да жарықтандырылып, бейне бақылау камералары орнатылады.