USD420.76EUR498.6RUB5.6

ШҚО: қашықтықтан еңбек еткен қызметкерлердің еңбекақысы сақталады

23 наурыз 2020, 10:03
Елімізде жарияланған төтенше жағдайға байланысты үйде каратинде отырған қызметкерлер жұмыс орнына уақытша еңбекке жарамсыздығы туралы қағаз алып баруы тиіс.
ШҚО: қашықтықтан еңбек еткен қызметкерлердің еңбекақысы сақталады

Сонда оларға әлеуметтік жәрдемақы төленеді. Бұл жөнінде ШҚО ақпараттық орталығында өткен брифинг барысында мемлекеттік еңбек инспекциясы басқармасының басшысы Бақытбек Қизатов мәлім етті.

- Уақытша еңбекке жарамсыз деп танылған азаматтарға ҚР заңнамасына сәйкес 15 айлық есептік көрсеткішінде жәрдемақы тағайындалады. Осы орайда 1 АЕК көлемі биылдан бастап 2651 теңгені құрайтынын атап өткен орынды. Ал 15 АЕК мөлшері 39765 теңге, - деді Бақытбек Қизатов.

Басқарма басшысының айтуынша, жұмыс уақытына өзгерістер енгізілуде. Алайда соған қарамастан қашықтықтан еңбек етіп жүрген қызметкерлердің жалақысы толық сақталуы тиіс.

 - Әрбір мекеменің басшысы қашықтықтан жұмыс істеуге мүмкіндік болса, осы режимге ауысуы керек. Бұл Еңбек кодексіне сәйкес реттеледі, - деді Бақытбек Қизатов.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2020
Әрленім және құрастыру
SemStar