USD450.79EUR482.21RUB5.05

Жол жөндеу жұмыстары қарқынды жүріп жатыр

04 қыркүйек 2023, 17:08
Ақсуат ауданының Екпін ауылындағы көше жолдарын орташа жөндеу жұмыстарына облыстық бюджеттен қаржы бөлініп, «SKS building» ЖШС мердігер ұйымы 3,1 шақырым жолдың негізгі қабатына құм-қиыршық тас төгіп, тегістеу жұмыстарын жүзеге асырып жатыр.
Жол жөндеу жұмыстары қарқынды жүріп жатыр
«Ауыл – ел бесігі» бағдарламасы аясында республикалық бюджеттен аудандық маңызы бар 4 автокөлік, 3 көше жолын орташа жөндеу жұмыстарына және облыстық трансферттен 1 көше жолына қаражат бөлінді. Атап айтсақ, аудандық маңызы бар «Қарағанды-Аягөз-Боғас-Кіндікті» автомобиль жолына орташа жөндеу жұмыстары жүргізіліп, Танамырза ауылына кіреберіс автомобиль жолының құрылысы толығымен аяқталды.
Бағдарлама аясында бірқатар жоба іске асырылды. Оның ішінде Құмкөл ауылындағы 1,7 шақырым көше жолдарын орташа жөндеу жұмыстарын мердігер “ПМК құрылыс” ЖШС-і толық аяқтады, Қызылкесік ауылының 2,3 шақырым көшесін орташа жөндеуге қаражат бөлінді, Ақсуат ауылішілік көшенің 6,5 шақырым жолының жөндеу жұмыстары аяқталуға жақын, Боғас өзеніндегі көпірді күрделі жөндеуге жобалық-сметалық құжаттама әзірленіп, жөндеу жұмыстары басталса, Тебіске өзеніндегі көпірді қайта жаңғыртуға және Есім ауылындағы кіреберіс көпірдің құрылысының жобалық-сметалық құжаттамасын әзірлеуге конкурстық құжаттар дайындалып жатыр.
Айта кетсек, алдағы жылы Екпін ауылында 300 орындық мектеп, дәрігерлік амбулатория, ойын алаңы, футбол алаңы салынатын болады.
Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar