USD450.79EUR482.21RUB5.05

Таскескенде жаңа спорт кешені бой көтереді

17 тамыз 2023, 16:53
Таскескен ауылында спорт кешенінің құрылысымен қатар, мәдениет үйіне күрделі жөндеу жасалып жатыр.
Таскескенде жаңа спорт кешені бой көтереді

«Ауыл – ел бесігі» бағдарламасы аясында Таскескен ауылдық мәдениет үйіне күрделі жөндеу жұмыстары жүзеге асырылып отыр.
 
Сонымен қатар, Таскескен ауылында спорт кешенінің құрылысын жүргізу жоспарланған. Жоба бұрынғы аудан орталықтарын дамыту бағдарламасы аясында жасалды. 2023 жылы жобаны жүзеге асыруға 469,00 млн теңге бөлінді. Қазіргі уақытта ғимарат іргетасын құю мен құрылыс материалдары жеткізіліп жатыр.
 
Жобада екі блоктан тұратын спорт кешенінің ғимараты мен қатты отынға арналған блокты-модульдік қазандық құрылысы қарастырылған. Құрылыс жұмыстарына бір ауысымда 28 адам жұмылдырылған.
 
Үржар ауданы құрамына кіретін елді мекендердің ішінде Таскескен ең үлкен ауылы. Жалпы ауданға 27 ауылдық округ пен 53 елді мекен кіреді. Таскескен ауылы – тоғыз жолдың торабында орналасқан бұрынғы аудан орталығы.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar