Кәсіпорын сазан, шортан, көксеркенің етін, одан бөлек балық қанаттарын сатады. Цехтың қуаттылығы күніне 1 тоннаға жуық жоғары сапалы балық өнімдерін шығара алады. Тассайда өндірілген өнім Семей, Алматы, Астана қаласының сауда орталықтарында сөрелеріне сатылып жатыр.Балық цехының иесі мемлекеттік бағдарламалар арқылы қосымша қаржы алып, кәсіпорынды кеңейтіп, тағы да 50 жаңа жұмыс орынын ашуды жоспарлап отыр. Тассай ауылы ежелден балық шаруашылығы жақсы дамыған елді мекен. Ауыл аудан орталығы Көкпектіден 60 шақырым, Зайсан көлінен 40 шақырым жерде орналасқан. Бүгінде ауылда 867 адам тұрады, олардың көпшілігі балық аулаумен айналысады.
