Жарма ауданының әкімі Жарқынбек Байсабыров Шар локомотив жөндеу депосының қызметкерлерінің еңбектеріне табыс тілеп, өңір экономикасының дамуына үлес қосқан азаматтарға алғыс хаттар табыс етті. Сонымен қатар, Көлік және коммуникация министрлігінің өкілі Аслан Нүсіпқұл теміржолшыларды құттықтап, министрліктің Алғыс хаты мен «Құрметті теміржолшы» төсбелгісін табыстады.
Бүгінде кәсіпорында 135 жұмысшы, 5 цех пен 1 өндіріс орны жұмыс істейді. Өндіріс тиімділігі мен қауіпсіздігін қамтамасыз ету үшін қажетті жағдайлар жасалынған. Өткен жылы компания «Золотая каска - 2023» сыйлығын иеленген. Іс-шарада концерттік бағдарламамен қатар, спорттық ойындар да ұйымдастырылды. Шара барысында арнайы шақырылған өнерпаздар ән шырқап, кеш көркін қыздырып, көрермендерге көтеріңкі көңіл-күй сыйлады. Мерекеге орай ұйымдастырылған волейбол, арқан тартыс, гір көтеру сияқты спорт ойындарын тамашалаушылар да аз болған жоқ.
