Жарма ауданының полиция бөлімінің Жедел тергеу тобымен 2019 жылдың қазан айында құрықталған ер адам Жарма ауданы Қалбатау ауылдық округіне қарасты қыстақта орналасқан мал қора ішінен жалпы ақшалай құны 120 000 теңгеге бағаланған 3 бас ұсақ малдарды жасырын жымқырып кеткені анықталды.
Содан кейін 21 жасар қаскүнем ұрланған малды сойып сату арқылы жеке бас пайдасына асырған.
ҚР ҚК-нің 188-бабы 2-бөлігі 1,3-тармақтарына сәйкес сотқа дейінгі тергеп-тексеру барысында, күдікті тұлға кінәсін толық мойындаған.
Сонымен қатар, қазіргі уақытта ұсталған азаматтың сыбайластарын анықтау жұмыстары жүргізілуде.
