USD405.69EUR455.51RUB5.72

Полиция қызметкерлеріне ақпараттық-танымдық сағақ өткізді

19 ақпан 2020, 08:35
Қазақ халқының ұлы ақыны Абай Құнанбаевтың 175 жылдық мерейтойын мерекелеуге байланысты құқықтық-әлеуметтік жүйесінде Абай шығармашылығын зерделеу бойынша 14 ақпан күні Абай кітапханасының мамандары полиция басқармасының жеке құрамына ақпараттық-танымдық сағақ өткізді.
Полиция қызметкерлеріне ақпараттық-танымдық сағақ өткізді

Кітапхана қызметкерлері Абайдың дүниетанымын қалыптастыруға Шығыс ақындары мен ғалымдарының – Фирдоуси, Әлішер Навои, Низами, Физули, Ибн Сина, сондай-ақ орыс классиктерінің шығармаларының әсері көп болғанын жеткізді.

Қатысушылар Абай ескерткіштері тек Қазақстанның елді мекендерінде және қалаларында ғана емес, сонымен қатар әр түрлі елдерде: Францияда, Египетте, Қытайда, Ресейде, Иранда, Өзбекстанда тұрғызылғаны жайлы көптеген пайдалы ақпарат алды. Сондай-ақ Қазақстанда Ұлы ақынның ескерткіштері алғаш рет қай уақытта тұрғызылғандығы, қазақ мүсін мектебінің алғашқы негізін қалаушы Хакімжан Наурызбаев туралы деректерге қанық болды.

Іс-шара соңында кітапхана қызметкерлері жиналғандарды «Абай әлемі» кітап сериясының жаңа басылымдарымен таныстырды. Көрермендердің назарын аударған өлкетану жинақтары, жас ақындар М.Мещеряков, М.Қарт, Б.Игілік және т.б. жас қаламгерлердің 2019 жылғы кітап сериясының екінші нөміріне ұсынылған шығармалар топтамасы болды.

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2020
Әрленім және құрастыру
SemStar