Абай облысының Курчатов қаласындағы "Тополек" балабақшасын қайта құру жөніндегі жоба аяқталуға жақын қалды. Ол Кәсіпкерлікті дамыту жөніндегі 2021-2025 жылдарға арналған ұлттық жоба шеңберінде іске асырылып жатыр. Жақын арада "Тополек" балабақшасы балаларға есігін айқара ашады.
Қазіргі таңда қалада 3 балабақша жұмыс істейді - 2 мемлекеттік: 280 орындық "Журавушка" және 145 орындық "Күншуақ" және 1 жеке 60 орындық "Ақ бөбек" балабақшасы. Мектептерде құрылған 125 балаға арналған 2 шағын орталық бар.
Осылайша, мектепке дейінгі балалар мекемелерінде барлығы 610 бала тәрбиеленіп, білім алуда. Балабақшаға дайындалып жатқан бүлдіршіндердің кезегі 122 балаға дейін қысқарды.
