Облыста еріктіліктің келесі бағыттары бойынша іс-шаралар кіретін арнайы Жол картасы әзірленуде: "Сабақтастық" - балалар үйлерінің балаларына қамқорлық көрсету, "Саулық" - науқастарды күту бойынша көмек көрсету, "Таза әлем" - қоршаған ортаны қорғау, "Асыл мұра" - халықтың материалдық және рухани мәдени-тарихи мұрасын сақтау, "Қамқор" - қарттар үйлеріндегі еріктілердің жұмысы, "Білім" - ауылдардағы оқушылардың білімін жетілдіруге көмек көрсету, "Үміт" - Екінші дүниежүзілік соғысқа қатысушы жерлестеріміздің батырлығы туралы құжаттарды іздеу және зерделеу.
Сондай-ақ, еріктілік қызмет үшін қолайлы ортаны дамыту, инфрақұрылымды дамыту және оған қатысушылардың әлеуетін арттыру, қатысуды кеңейту, халықаралық ынтымақтастықты дамыту және еріктілікті танымал ету бойынша шаралар көзделген. Сонымен қатар, "Рухани жаңғыру: Жастық жігер" жас белсенділер мен еріктілер мектебін өткізу жоспарлануда. Жылдың маңызды іс-шараларының бірі ұлы ақын Абай Құнанбаевтың 175 жылдық мерейтойы болып табылатындығын ескере отырып, мерекелік іс-шараларды өткізуге көмек көрсету және шетел қонақтарын сүйемелдеу үшін жастар арасынан 500 ерікті тарту жоспарлануда.
Айта кетейік, жоба аясында ҚР Ақпарат және қоғамдық даму министрлігі еріктілік қызметті үйлестіру үшін Qazvolunteer.kz онлайн-платформасын әзірледі. Әлеуметтік студенттік ваучер әлеуметтік бағытталған, қоғамдық-пайдалы қызметті жүзеге асыратын студенттерге келесі бағыттар бойынша ұсынылады: инклюзивтік білім беру, репетиторлық, девиантты мінез-құлықты кәмелетке толмаған балалармен жұмыс, аула және спорт клубтарын ұйымдастыру, қарт адамдармен әлеуметтік жұмыс. Өскемен және Семей қалаларында тұғырнамада 630-ден астам ерікті, 50-ден астам еріктілер ұйымдары тіркелген. КездесусоңындаНұрланНығматулинстуденттергежекеөсудітіледі.
– Жастар өз жобаларын жүзеге асыруға дайын - бұл маңызды және қажет, - деп есептейді мәжілісмен. - Біздің мемлекет университеттен кейін өздерінің бизнес-идеяларын алға жылжыту үшін нақты көмек көрсетеді. Шығыс Қазақстан жастары әрдайым іске шығармашылық көзқарасымен ерекшеленді. Бұл сапаны көрсете отырып, біз Қазақстанда ғана емес, әлемдік қоғамдастықта да дамуға қол жеткіземіз,-деп атап көрсетті өз сөзінде Н.Нұғматуллин.
