Таңертең Ертіс өзенінің жағалауына 100-ден астам адам жиналды. Марафонға департаменттің әскери қызметшілері ғана емес, шекарашы-ардагерлер мен отбасы мүшелері де қатысты. Жас спортшыларсыз да болған жоқ. Осындай форматтағы спорттық іс-шара Өскемен қаласында алғаш рет өткізілді.
- Бұл нағыз спорт мерекесі болды! Маған бәрі ұнады. 3000 метрге жүгіру арқылы біз басқаларға үлгі көрсеттік деп айта аламыз. Шекарашылардың дене тәрбиесіне бей-жай қарамайтындығын тағы да дәлелдеді. Президенттік миляға жүгіру қоғамның спортқа деген қызығушылығын арттырып, жыл сайын өткізілетініне сенімдімін, - деп өз пікірімен бөлісті аға лейтенант Әділхан Назар.
Мәреде ШҚО бойынша ҚР ҰҚК ЖПҚ бастығы полковник Серік Рахимов марафонның белсенді қатысушыларын құттықтап, марапаттады.
Өткізілген спорттық іс-шара нәтижелері бойынша орындар келесідей бөлінді:
I орынды Капитан Дәулет Каканов иеленді,
II орынды сержант Сержан Сатпаев және
ІІІ орын - Капитан Назымбек Биханов.
Әскери қызметші әйелдер арасында аға сержант Гүлназ Болатова көзге түсті.
Марафон Шекара қызметінің туымен фотоға түсумен аяқталды.
