Облыс әкімі трибуналардың 16 секторында 8500 адамды сыйғыза алатын ең ірі ашық стадионды да аралады.
Стадионда табиғи көгалдары бар футбол алаңы бар. Айналасында жүгіру жолы мен жүгіруден ұзындыққа секіруге арналған ойықтар бар. Жасанды жабыны бар қосалқы футбол алаңы да салынған.
Айта кетейік, 2013 жылы Қазақстан футболының 100 жылдығы қарсаңында нысанда күрделі жөндеу жұмыстары аяқталды. Жақын арада шығыс және батыс трибуналарын қайта жаңарту, негізгі алаңның дренаждық жүйесін ауыстыру, автоматты суару орнату жоспарланған.
Сегіз жолақтан тұратын жүгіру жолы жөнделіп, кеңейтілмек. Жаттығу алаңындағы жасанды жабын ауыстырылып, жарықтандыру жаңартылмақ.
Облыс әкімі аты аңызға айналған «Ярыш», «Елімай» және т.б. командалардың қолтаңбалары, марапаттары, тарихи фотосуреттері сақталған футбол тарихының ошағына айналған стадионның мұражайын аралап, оны толықтыруға дайын екенін де атап өтті.
