- «Балалардың күн тәртібі алдын ала бекітілген әдістемелік жоспар негізінде ұйымдастырылады. Олар күніне алты мезгіл тамақтанады, екі рет Алакөлге шомылады. Сонымен қатар ұлттық құндылықтарды дәріптеуге бағытталған түрлі тәрбиелік іс-шаралар тұрақты өткізіледі. Лагерьде 4 тәрбиеші, 1 әдіскер және 3 дене шынықтыру маманы жұмыс істейді. Балалардың жас ерекшелігі – 8 бен 14 жас аралығы», – деді Мақаншы аудандық білім бөлімінің басшысы Гүлзипа Ноғаева.
Лагерь 15 маусым мен 23 тамыз аралығында 6 маусым бойынша жұмыс істейді. Осы уақыт ішінде мұнда барлығы 720 бала демалады. Әр маусымда 120 баладан қабылданып, олардың қауіпсіз әрі сапалы демалысы үшін барлық жағдай жасалған.
«Дарабоз» лагеріндегі жазғы демалыс балалардың денсаулығын нығайтып қана қоймай, олардың танымын кеңейтуге, шығармашылық қабілетін дамытуға және ұлттық құндылықтарға деген қызығушылығын арттыруға бағытталған.
