USD449.88EUR486.64RUB4.83

Әскерилер күзгі бал мерекесін атап өтті

27 қараша 2023, 11:27
Әскерилер күзгі бал мерекесін атап өтті «Шығыс» өңірлік қолбасшылығына қарасты Абай гарнизонындағы 54770 әскери бөлімінде әскери қызметшілердің «Алтын күз» атты күзгі бал мерекесі өтті. Патриоттық-мәдени шараға әскери бөлімдегі ең мықты деген сегіз қырлы, бір сырлы өнерпаздар қатысты.
Әскерилер күзгі бал мерекесін атап өтті

           Гарнизондық Офицерлер үйінде өткен шарада жас әскери мамандар ойын, ән, би арқылы күзгі мерекелік көңіл-күйлерін көтеріп, таныстырылым мен сән байқауында ерекше өнер көрсетті. Ал сәнді киінген қыз-жігіттер, күздің кереметін аша білді. Нақтылап айтатын болсақ, іс-шара өзін-өзі таныстыру, өнер сайысы, жұптар арасындағы ойын, сұрақ-жауап, өзіндік шығармашылық дайындық және үй тапсырмасы сынды алты кезеңнен тұрды.

           Әскери бөлімінің командирі подполковник Қанат Танибергеновтің сөзінше,  дәстүрлі түрде жыл сайын ұйымдастырылатын балдың жыл санап ауқымы да кеңейіп келеді дейді.

         - Алтын күз мерекесі жыл сайын ұйымдастырылып отыр. Іс шараның басты мақсаты әскери бөлімнің жеке құрамы мен олардың отбасыларына көтеріңкі көңіл күй сыйлау. Отбасылық қарым-қатынасты арттыру. Байқауда әскери қызметшілер өз өнерлерімен қатар білімдерін де көрсете білді. Мереке жоғары деңгейде ұйымдастырылды. Дәстүрлі шараны алдағы уақытта да жоғары деңгейде өткізіп, жаңа форматта өткізетін боламыз, - дейді, бөлім командирі.   

           Барлық тамашаланған концерттік нөмірлер күз тақырыбына арналып, жоғары деңгейде ұсынылды. Әділқазылар қатысушылардың өнері мен әр кезең бойынша жинаған ұпай санымен жеңімпаздарды анықтады. Осылайша тартысты да көңілді өткен байқаудың қорытындысы бойынша әділ-қазылардың шешімімен, күз ханшайымы мен ханзадасы Талант Мазаков пен Асем Алимбекова атанды.

 

Абай өңірлік гарнизонының баспасөз қызметі

Әлеуметтік желілерде бөлісу:

Сілтемеге жазылу


Оқыңыз:

Соңғы жаңалықтар

ТОО «Ертіс өнірі»
Республикаға тарайтын апталық газет
© 2007—2024
Яндекс.Метрика
Әрленім және құрастыру
SemStar