Игі шараға Абай облысы Қорғаныс істер жөніндегі департамент бастығының орынбасары подполковник Қанат Шәріпханов қатысты. Ондағы басты мақсаты өскелең ұрпаққа Отан деген ардақты сөздің қаншалықты қадірлі екенін айтып, студент жастарды әскери борыштарын өтеуге психологиялық тұрғыдан даярлау болды. Шара барысында Қорғаныс істер жөніндегі департамент өкілі жастардың сұрақтарына жауып беріп, әскери бөлімдердегі қызметтің ерекшеліктері туралы баяндады.
Ал Республикалық сарбаздар аналар қоғамдық ұйымының Семей қаласындағы өкілі Айнұр Татерова өскелең ұрпаққа мерзімді әскери қызметке жасалынатын жеңілдіктер туралы толық мәлімет берді. Қоғамдық ұйым өкілінің айтуынша, шара барысында болашақ Отан қорғаушыларға әскери өмір туралы толық ақпарат беріліп, студенттерге әскери өмірдің бүгінгі тыныс-тіршілігін сарбаздардың өз ауыздарынан естіді. Осы тарапта 28738 әскери бөлімнің сарбаздары да атсалысып, өз ойларымен бөлісті. Сарбаздар ерлік тек білек күшімен емес, білімнің мықтылығымен де жасалатынын айтты.
Абай өңірлік гарнизонының баспасөз қызметі
